1-4. පච්චයානුලොමාදි

162. චිත්තසම්පයුත්තං ධම්මං සංසට්ඨො චිත්තසම්පයුත්තො ධම්මො උප්පජ්ජති හෙතුපච්චයා – චිත්තසම්පයුත්තං එකං ඛන්ධං සංසට්ඨා ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ….

හෙතුයා එකං, ආරම්මණෙ එකං, අධිපතියා එකං (සබ්බත්ථ එකං), අවිගතෙ එකං.

නහෙතුයා එකං, නඅධිපතියා එකං, නපුරෙජාතෙ එකං, නපච්ඡාජාතෙ එකං, නආසෙවනෙ එකං, නකම්මෙ එකං, නවිපාකෙ එකං, නඣානෙ එකං, නමග්ගෙ එකං, නවිප්පයුත්තෙ එකං.