1. විභඞ්ගවාරො

හෙතුපච්චයො

144. චිත්තසම්පයුත්තං ධම්මං පටිච්ච චිත්තසම්පයුත්තො ධම්මො උප්පජ්ජති හෙතුපච්චයා – චිත්තසම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ පටිච්ච එකො ඛන්ධො; පටිසන්ධික්ඛණෙ…පෙ…. (1)

චිත්තසම්පයුත්තං ධම්මං පටිච්ච චිත්තවිප්පයුත්තො ධම්මො උප්පජ්ජති හෙතුපච්චයා – චිත්තසම්පයුත්තෙ ඛන්ධෙ පටිච්ච චිත්තසමුට්ඨානං රූපං; පටිසන්ධික්ඛණෙ…පෙ…. (2)

චිත්තසම්පයුත්තං ධම්මං පටිච්ච චිත්තසම්පයුත්තො ච චිත්තවිප්පයුත්තො ච ධම්මා උප්පජ්ජන්ති හෙතුපච්චයා – චිත්තසම්පයුත්තං එකං ඛන්ධං පටිච්ච ද්වෙ ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ… පටිසන්ධික්ඛණෙ…පෙ…. (3)

145. චිත්තවිප්පයුත්තං ධම්මං පටිච්ච චිත්තවිප්පයුත්තො ධම්මො උප්පජ්ජති හෙතුපච්චයා – එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං…පෙ… පටිසන්ධික්ඛණෙ…පෙ… එකං මහාභූතං…පෙ… මහාභූතෙ පටිච්ච කටත්තාරූපං උපාදාරූපං. (1)

චිත්තවිප්පයුත්තං ධම්මං පටිච්ච චිත්තසම්පයුත්තො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච චිත්තසම්පයුත්තකා ඛන්ධා. (2)

චිත්තවිප්පයුත්තං ධම්මං පටිච්ච චිත්තසම්පයුත්තො ච චිත්තවිප්පයුත්තො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච චිත්තසම්පයුත්තකා ඛන්ධා, මහාභූතෙ පටිච්ච කටත්තාරූපං. (3)

146. චිත්තසම්පයුත්තඤ්ච චිත්තවිප්පයුත්තඤ්ච ධම්මං පටිච්ච චිත්තසම්පයුත්තො ධම්මො උප්පජ්ජති හෙතුපච්චයා – පටිසන්ධික්ඛණෙ චිත්තසම්පයුත්තං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ…. (1)

චිත්තසම්පයුත්තඤ්ච චිත්තවිප්පයුත්තඤ්ච ධම්මං පටිච්ච චිත්තවිප්පයුත්තො ධම්මො උප්පජ්ජති හෙතුපච්චයා – චිත්තසම්පයුත්තෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; පටිසන්ධික්ඛණෙ චිත්තසම්පයුත්තෙ ඛන්ධෙ ච මහාභූතෙ ච පටිච්ච කටත්තාරූපං. (2)

චිත්තසම්පයුත්තඤ්ච චිත්තවිප්පයුත්තඤ්ච ධම්මං පටිච්ච චිත්තසම්පයුත්තො ච චිත්තවිප්පයුත්තො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ චිත්තසම්පයුත්තං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… චිත්තසම්පයුත්තෙ ඛන්ධෙ ච මහාභූතෙ ච පටිච්ච කටත්තාරූපං. (3)

ආරම්මණපච්චයො

147. චිත්තසම්පයුත්තං ධම්මං පටිච්ච චිත්තසම්පයුත්තො ධම්මො උප්පජ්ජති ආරම්මණපච්චයා – චිත්තසම්පයුත්තං එකං ඛන්ධං පටිච්ච ද්වෙ ඛන්ධා, ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

චිත්තවිප්පයුත්තං ධම්මං පටිච්ච චිත්තසම්පයුත්තො ධම්මො උප්පජ්ජති ආරම්මණපච්චයා – පටිසන්ධික්ඛණෙ වත්ථුං පටිච්ච චිත්තසම්පයුත්තකා ඛන්ධා. (1)

චිත්තසම්පයුත්තඤ්ච චිත්තවිප්පයුත්තඤ්ච ධම්මං පටිච්ච චිත්තසම්පයුත්තො ධම්මො උප්පජ්ජති ආරම්මණපච්චයා – පටිසන්ධික්ඛණෙ චිත්තසම්පයුත්තං එකං ඛන්ධඤ්ච වත්ථුඤ්ච පටිච්ච ද්වෙ ඛන්ධා, ද්වෙ ඛන්ධෙ ච…පෙ… (සංඛිත්තං). (1)