1. විභඞ්ගවාරො

නහෙතුපච්චයො

17. දස්සනෙන පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො. (1)

භාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ පටිච්ච උද්ධච්චසහගතො මොහො. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – අහෙතුකං නෙවදස්සනෙන නභාවනාය පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධා; අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

නආරම්මණපච්චයො

18. දස්සනෙන පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – දස්සනෙන පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං. (1)

භාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – භාවනාය පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – නෙවදස්සනෙන නභාවනාය පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං; විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං. පටිසන්ධික්ඛණෙ නෙවදස්සනෙන නභාවනාය පහාතබ්බහෙතුකෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු…පෙ… එකං මහාභූතං…පෙ… අසඤ්ඤසත්තානං…පෙ…. (1)

19. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; විචිකිච්ඡාසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – භාවනාය පහාතබ්බහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (1)

නඅධිපතිපච්චයාදි

20. දස්සනෙන පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නඅධිපතිපච්චයා… (සහජාතසදිසං) නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා.

නපුරෙජාතපච්චයො

21. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නපුරෙජාතපච්චයා – අරූපෙ දස්සනෙන පහාතබ්බහෙතුකං එකං ඛන්ධං පටිච්ච…පෙ…. (1)

දස්සනෙන පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො; දස්සනෙන පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං. (2)

දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති නපුරෙජාතපච්චයා – අරූපෙ විචිකිච්ඡාසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

භාවනාය පහාතබ්බහෙතුකං ධම්මං… තීණි (දස්සනෙන සදිසං).

22. නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නපුරෙජාතපච්චයා – අරූපෙ නෙවදස්සනෙන නභාවනාය පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා, නෙවදස්සනෙන නභාවනාය පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං; විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං. පටිසන්ධික්ඛණෙ…පෙ… අසඤ්ඤසත්තානං…පෙ…. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතං මොහං පටිච්ච සම්පයුත්තකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති නපුරෙජාතපච්චයා – අරූපෙ උද්ධච්චසහගතං මොහං පටිච්ච සම්පයුත්තකා ඛන්ධා. (3)

23. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නපුරෙජාතපච්චයා – අරූපෙ විචිකිච්ඡාසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ…. (1)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නපුරෙජාතපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; විචිකිච්ඡාසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති නපුරෙජාතපච්චයා (ඉමෙපි ද්වෙ කාතබ්බා).

නපච්ඡාජාතපච්චයාදි

24. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නපච්ඡාජාතපච්චයා… නආසෙවනපච්චයා.

නකම්මපච්චයො

25. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නකම්මපච්චයා – දස්සනෙන පහාතබ්බහෙතුකෙ ඛන්ධෙ පටිච්ච දස්සනෙන පහාතබ්බහෙතුකා චෙතනා. (1)

භාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති නකම්මපච්චයා – භාවනාය පහාතබ්බහෙතුකෙ ඛන්ධෙ පටිච්ච භාවනාය පහාතබ්බහෙතුකා චෙතනා. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නකම්මපච්චයා – නෙවදස්සනෙන නභාවනාය පහාතබ්බහෙතුකෙ ඛන්ධෙ පටිච්ච නෙවදස්සනෙන නභාවනාය පහාතබ්බහෙතුකා චෙතනා; බාහිරං… ආහාරසමුට්ඨානං… උතුසමුට්ඨානං…පෙ…. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නකම්මපච්චයා – විචිකිච්ඡාසහගතං මොහං පටිච්ච සම්පයුත්තකා චෙතනා. (2)

නෙවදස්සනෙන නභාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති නකම්මපච්චයා – උද්ධච්චසහගතං මොහං පටිච්ච සම්පයුත්තකා චෙතනා. (3)

26. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නකම්මපච්චයා – විචිකිච්ඡාසහගතෙ ඛන්ධෙ ච මොහඤ්ච පටිච්ච සම්පයුත්තකා චෙතනා. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති නකම්මපච්චයා – උද්ධච්චසහගතෙ ඛන්ධෙ ච මොහඤ්ච පටිච්ච සම්පයුත්තකා චෙතනා. (1)

නවිපාකපච්චයො

27. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නවිපාකපච්චයා (පටිසන්ධි නත්ථි).

නආහාරපච්චයාදි

28. නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආහාරපච්චයා – බාහිරං… උතුසමුට්ඨානං… අසඤ්ඤසත්තානං…පෙ… නඉන්ද්‍රියපච්චයා – බාහිරං… ආහාරසමුට්ඨානං… උතුසමුට්ඨානං, අසඤ්ඤසත්තානං…පෙ… මහාභූතෙ පටිච්ච රූපජීවිතින්ද්‍රියං… නඣානපච්චයා – පඤ්චවිඤ්ඤාණං…පෙ… (මහාභූතා කාතබ්බා) නමග්ගපච්චයා – අහෙතුකං නෙවදස්සනෙන නභාවනාය පහාතබ්බහෙතුකං එකං ඛන්ධං…පෙ… අසඤ්ඤසත්තානං…පෙ… නසම්පයුත්තපච්චයා.

නවිප්පයුත්තපච්චයාදි

29. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නවිප්පයුත්තපච්චයා – අරූපෙ දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා…පෙ…. (1)

දස්සනෙන පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නවිප්පයුත්තපච්චයා – අරූපෙ විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො. (2)

දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති නවිප්පයුත්තපච්චයා – අරූපෙ විචිකිච්ඡාසහගතං එකං ඛන්ධං පටිච්ච තයො ඛන්ධා මොහො ච…පෙ… ද්වෙ ඛන්ධෙ…පෙ…. (3)

භාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති නවිප්පයුත්තපච්චයා – අරූපෙ භාවනාය… තීණි.

30. නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නවිප්පයුත්තපච්චයා – අරූපෙ නෙවදස්සනෙන නභාවනාය පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නවිප්පයුත්තපච්චයා – අරූපෙ විචිකිච්ඡාසහගතං මොහං පටිච්ච සම්පයුත්තකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති නවිප්පයුත්තපච්චයා – අරූපෙ උද්ධච්චසහගතං මොහං පටිච්ච සම්පයුත්තකා ඛන්ධා. (3)

31. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති නවිප්පයුත්තපච්චයා – අරූපෙ විචිකිච්ඡාසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධා. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති නවිප්පයුත්තපච්චයා – අරූපෙ උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධා… නොනත්ථිපච්චයා… නොවිගතපච්චයා.