2. සඞ්ඛ්‍යාවාරො

සුද්ධං

107. හෙතුයා එකාදස, ආරම්මණෙ එකවීස, අධිපතියා දස, අනන්තරෙ සත්තරස, සමනන්තරෙ සත්තරස, සහජාතෙ සත්තරස, අඤ්ඤමඤ්ඤෙ එකාදස, නිස්සයෙ සත්තරස, උපනිස්සයෙ එකවීස, පුරෙජාතෙ පඤ්ච, පච්ඡාජාතෙ පඤ්ච, ආසෙවනෙ සත්තරස, කම්මෙ සත්ත, විපාකෙ එකං, ආහාරෙ සත්ත, ඉන්ද්‍රියෙ සත්ත, ඣානෙ සත්ත, මග්ගෙ සත්ත, සම්පයුත්තෙ එකාදස, විප්පයුත්තෙ නව, අත්ථියා සත්තරස, නත්ථියා සත්තරස, විගතෙ සත්තරස, අවිගතෙ සත්තරස (එවං ගණෙතබ්බං).

අනුලොමං.

පච්චනීයුද්ධාරො

108. දස්සනෙන පහාතබ්බහෙතුකො ධම්මො දස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

දස්සනෙන පහාතබ්බහෙතුකො ධම්මො නෙවදස්සනෙන නභාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

දස්සනෙන පහාතබ්බහෙතුකො ධම්මො දස්සනෙන පහාතබ්බහෙතුකස්ස ච නෙවදස්සනෙන නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

109. භාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

භාවනාය පහාතබ්බහෙතුකො ධම්මො දස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (2)

භාවනාය පහාතබ්බහෙතුකො ධම්මො නෙවදස්සනෙන නභාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (3)

භාවනාය පහාතබ්බහෙතුකො ධම්මො දස්සනෙන පහාතබ්බහෙතුකස්ස ච නෙවදස්සනෙන නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (4)

භාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ච නෙවදස්සනෙන නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (5)

110. නෙවදස්සනෙන නභාවනාය පහාතබ්බහෙතුකො ධම්මො නෙවදස්සනෙන නභාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)

නෙවදස්සනෙන නභාවනාය පහාතබ්බහෙතුකො ධම්මො දස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

නෙවදස්සනෙන නභාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

නෙවදස්සනෙන නභාවනාය පහාතබ්බහෙතුකො ධම්මො දස්සනෙන පහාතබ්බහෙතුකස්ස ච නෙවදස්සනෙන නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (4)

නෙවදස්සනෙන නභාවනාය පහාතබ්බහෙතුකො ධම්මො භාවනාය පහාතබ්බහෙතුකස්ස ච නෙවදස්සනෙන නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (5)

111. දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා දස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

(ඉධ සහජාතං, පුරෙජාතං, මිස්සගතං අත්ථි, පාළියං කාතබ්බං. ගණනාය උපධාරෙත්වා ගණෙතබ්බං.)

දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා නෙවදස්සනෙන නභාවනාය පහාතබ්බහෙතුකස්ස ධම්මස්ස සහජාතං, පුරෙජාතං, පච්ඡාජාතං, ආහාරං, ඉන්ද්‍රියං. (2)

(ඉධාපි ආරම්මණපච්චයා උපනිස්සයපච්චයා අත්ථි, පාළියං නත්ථි. ගණෙන්තෙන උපධාරෙත්වා ගණෙතබ්බං.)

දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා දස්සනෙන පහාතබ්බහෙතුකස්ස ච නෙවදස්සනෙන නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

(ඉධාපි ‘‘සහජාතං, පුරෙජාතං’’ යං මිස්සකපඤ්හා අත්ථි, පාළියං කාතබ්බං).

112. භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා දස්සනෙන පහාතබ්බහෙතුකස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (1)

භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා භාවනාය පහාතබ්බහෙතුකස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (ඉධාපි ‘‘සහජාතං, පුරෙජාතං’’ යං මිස්සකපඤ්හා අත්ථි ). (2)

භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා නෙවදස්සනෙන නභාවනාය පහාතබ්බහෙතුකස්ස ධම්මස්ස සහජාතං, පුරෙජාතං, පච්ඡාජාතං, ආහාරං, ඉන්ද්‍රියං (ඉධාපි ආරම්මණඋපනිස්සයා අත්ථි). (3)

භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා දස්සනෙන පහාතබ්බහෙතුකස්ස ච නෙවදස්සනෙන නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (4)

භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා භාවනාය පහාතබ්බහෙතුකස්ස ච නෙවදස්සනෙන නභාවනාය පහාතබ්බහෙතුකස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (5)

(ඉධාපි සහජාතං, පුරෙජාතං අත්ථි. යෙ තෙ පඤ්හා න ලිඛිතා, තෙ පාළියං ගණෙන්තානං බ්‍යඤ්ජනෙන න සමෙන්ති. තෙ පාළියං න ලිඛිතා ගණනා පාකටා හොන්ති. යදි සංසයො උප්පජ්ජති, අනුලොමෙ අත්ථිපච්චයෙ පෙක්ඛිතබ්බං.)