1. විභඞ්ගවාරො

නහෙතුපච්චයො

70. දස්සනෙන පහාතබ්බහෙතුකං ධම්මං සංසට්ඨො නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ සංසට්ඨො විචිකිච්ඡාසහගතො මොහො.(1)

භාවනාය පහාතබ්බහෙතුකං ධම්මං සංසට්ඨො නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ සංසට්ඨො උද්ධච්චසහගතො මොහො. (1)

නෙවදස්සනෙන නභාවනාය පහාතබ්බහෙතුකං ධම්මං සංසට්ඨො නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – අහෙතුකං නෙවදස්සනෙන නභාවනාය පහාතබ්බහෙතුකං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. අහෙතුකපටිසන්ධික්ඛණෙ…පෙ…. (1)

නඅධිපතිපච්චයාදි

71. දස්සනෙන පහාතබ්බහෙතුකං ධම්මං සංසට්ඨො…පෙ… නඅධිපතිපච්චයා (සහජාතසදිසං)… නපුරෙජාතපච්චයා… නපච්ඡාජාතපච්චයා, නආසෙවනපච්චයා… නකම්මපච්චයා… සත්ත, නවිපාකපච්චයා… නඣානපච්චයා… නමග්ගපච්චයා… නවිප්පයුත්තපච්චයා….