1. විභඞ්ගවාරො

හෙතුපච්චයො

1. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. (1)

දස්සනෙන පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං. (2)

දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධා…පෙ…. (3)

2. භාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති හෙතුපච්චයා – භාවනාය පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. (1)

භාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා – භාවනාය පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං. (2)

භාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – භාවනාය පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

3. නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා – නෙවදස්සනෙන නභාවනාය පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං. පටිසන්ධික්ඛණෙ නෙවදස්සනෙන නභාවනාය පහාතබ්බහෙතුකං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධා…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං මොහං පටිච්ච සම්පයුත්තකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති හෙතුපච්චයා – උද්ධච්චසහගතං මොහං පටිච්ච සම්පයුත්තකා ඛන්ධා. (3)

නෙවදස්සනෙන නභාවනාය පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – විචිකිච්ඡාසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (4)

නෙවදස්සනෙන නභාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – උද්ධච්චසහගතං මොහං පටිච්ච සම්පයුත්තකා ඛන්ධා චිත්තසමුට්ඨානඤ්ච රූපං. (5)

4. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – විචිකිච්ඡාසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ ච මොහඤ්ච පටිච්ච ද්වෙ ඛන්ධා. (1)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; විචිකිච්ඡාසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – විචිකිච්ඡාසහගතං එකං ඛන්ධඤ්ච මොහඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච මොහඤ්ච පටිච්ච ද්වෙ ඛන්ධා…පෙ…. (3)

5. භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති හෙතුපච්චයා – උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ ච මොහඤ්ච පටිච්ච ද්වෙ ඛන්ධා. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා – භාවනාය පහාතබ්බහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං; උද්ධච්චසහගතෙ ඛන්ධෙ ච මොහඤ්ච පටිච්ච චිත්තසමුට්ඨානං රූපං. (2)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා චිත්තසමුට්ඨානඤ්ච රූපං…පෙ…. (3)

ආරම්මණපච්චයො

6. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

දස්සනෙන පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො. (2)

දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති ආරම්මණපච්චයා – විචිකිච්ඡාසහගතං එකං ඛන්ධං පටිච්ච තයො ඛන්ධා ච මොහො ච…පෙ… ද්වෙ ඛන්ධෙ පටිච්ච ද්වෙ ඛන්ධා ච මොහො ච. (3)

භාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති ආරම්මණපච්චයා… තීණි. (දස්සනෙන සදිසං විභජිතබ්බං.)

7. නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – නෙවදස්සනෙන නභාවනාය පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතං මොහං පටිච්ච සම්පයුත්තකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – උද්ධච්චසහගතං මොහං පටිච්ච සම්පයුත්තකා ඛන්ධා. (3)

8. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ ච මොහඤ්ච පටිච්ච ද්වෙ ඛන්ධා. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – උද්ධච්චසහගතං එකං ඛන්ධඤ්ච මොහඤ්ච පටිච්ච තයො ඛන්ධා…පෙ… ද්වෙ ඛන්ධෙ ච මොහඤ්ච පටිච්ච ද්වෙ ඛන්ධා. (1)

අධිපතිපච්චයො

9. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති අධිපතිපච්චයා… තීණි (හෙතුසදිසා).

භාවනාය පහාතබ්බහෙතුකං ධම්මං පටිච්ච…පෙ… තීණි (හෙතුසදිසා, අධිපතියා මොහො නත්ථි).

නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති අධිපතිපච්චයා – නෙවදස්සනෙන නභාවනාය පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධා. එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

10. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති අධිපතිපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති අධිපතිපච්චයා – භාවනාය පහාතබ්බහෙතුකෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අනන්තර-සමනන්තරපච්චයා

11. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති අනන්තරපච්චයා. සමනන්තරපච්චයා (ආරම්මණසදිසං).

සහජාතපච්චයො

12. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති සහජාතපච්චයා – දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

දස්සනෙන පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති සහජාතපච්චයා – දස්සනෙන පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං; විචිකිච්ඡාසහගතෙ ඛන්ධෙ පටිච්ච මොහො චිත්තසමුට්ඨානඤ්ච රූපං. (2)

දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති සහජාතපච්චයා – දස්සනෙන පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; විචිකිච්ඡාසහගතං එකං ඛන්ධං පටිච්ච තයො ඛන්ධා මොහො ච චිත්තසමුට්ඨානඤ්ච රූපං…පෙ…. (3)

13. භාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති සහජාතපච්චයා – භාවනාය පහාතබ්බහෙතුකං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

භාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති සහජාතපච්චයා – භාවනාය පහාතබ්බහෙතුකෙ ඛන්ධෙ පටිච්ච චිත්තසමුට්ඨානං රූපං; උද්ධච්චසහගතෙ ඛන්ධෙ පටිච්ච මොහො ච චිත්තසමුට්ඨානඤ්ච රූපං. (2)

භාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති සහජාතපච්චයා – භාවනාය පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; උද්ධච්චසහගතං එකං ඛන්ධං පටිච්ච තයො ඛන්ධා මොහො ච චිත්තසමුට්ඨානඤ්ච රූපං…පෙ…. (3)

14. නෙවදස්සනෙන නභාවනාය පහාතබ්බහෙතුකං ධම්මං පටිච්ච නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති සහජාතපච්චයා – නෙවදස්සනෙන නභාවනාය පහාතබ්බහෙතුකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… විචිකිච්ඡාසහගතං උද්ධච්චසහගතං මොහං පටිච්ච චිත්තසමුට්ඨානං රූපං. පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච තයො මහාභූතා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං…පෙ…. (1)

නෙවදස්සනෙන නභාවනාය පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති සහජාතපච්චයා – විචිකිච්ඡාසහගතං මොහං පටිච්ච සම්පයුත්තකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පටිච්ච භාවනාය පහාතබ්බහෙතුකො ධම්මො උප්පජ්ජති සහජාතපච්චයා (සංඛිත්තං. හෙතුසදිසං කාතබ්බං). (3)

අඤ්ඤමඤ්ඤපච්චයාදි

15. දස්සනෙන පහාතබ්බහෙතුකං ධම්මං පටිච්ච දස්සනෙන පහාතබ්බහෙතුකො ධම්මො උප්පජ්ජති අඤ්ඤමඤ්ඤපච්චයා, නිස්සයපච්චයා, උපනිස්සයපච්චයා, පුරෙජාතපච්චයා, ආසෙවනපච්චයා, කම්මපච්චයා, විපාකපච්චයා, ආහාරපච්චයා, ඉන්ද්‍රියපච්චයා, ඣානපච්චයා, මග්ගපච්චයා, සම්පයුත්තපච්චයා, විප්පයුත්තපච්චයා, අත්ථිපච්චයා, නත්ථිපච්චයා, විගතපච්චයා, අවිගතපච්චයා.