4. පච්චයපච්චනීයානුලොමං

නහෙතුදුකං

62. නහෙතුපච්චයා ආරම්මණෙ පඤ්ච, අනන්තරෙ පඤ්ච, සමනන්තරෙ පඤ්ච, සහජාතෙ පඤ්ච, අඤ්ඤමඤ්ඤෙ පඤ්ච, නිස්සයෙ පඤ්ච, උපනිස්සයෙ පඤ්ච, පුරෙජාතෙ පඤ්ච, ආසෙවනෙ පඤ්ච, කම්මෙ පඤ්ච, විපාකෙ එකං, ආහාරෙ පඤ්ච, ඉන්ද්‍රියෙ පඤ්ච, ඣානෙ පඤ්ච, මග්ගෙ පඤ්ච, සම්පයුත්තෙ පඤ්ච, විප්පයුත්තෙ පඤ්ච, අත්ථියා පඤ්ච, නත්ථියා පඤ්ච, විගතෙ පඤ්ච, අවිගතෙ පඤ්ච (එවං ගණෙතබ්බං).

පච්චනීයානුලොමං.

පච්චයවාරො.