1. විභඞ්ගවාරො

නහෙතුපච්චයො

52. දස්සනෙන පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ පච්චයා විචිකිච්ඡාසහගතො මොහො. (1)

භාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ පච්චයා උද්ධච්චසහගතො මොහො. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – අහෙතුකං නෙවදස්සනෙන නභාවනාය පහාතබ්බහෙතුකං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… අහෙතුකපටිසන්ධික්ඛණෙ (පරිපුණ්ණං) චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං; වත්ථුං පච්චයා අහෙතුකා නෙවදස්සනෙන නභාවනාය පහාතබ්බහෙතුකා ඛන්ධා; වත්ථුං පච්චයා විචිකිච්ඡාසහගතො උද්ධච්චසහගතො මොහො. (1)

53. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො මොහො. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ ච වත්ථුඤ්ච පච්චයා උද්ධච්චසහගතො මොහො. (1)

නආරම්මණපච්චයො

54. දස්සනෙන පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – දස්සනෙන පහාතබ්බහෙතුකෙ ඛන්ධෙ පච්චයා චිත්තසමුට්ඨානං රූපං. (1)

භාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – භාවනාය පහාතබ්බහෙතුකෙ ඛන්ධෙ පච්චයා චිත්තසමුට්ඨානං රූපං. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – නෙවදස්සනෙන නභාවනාය පහාතබ්බහෙතුකෙ ඛන්ධෙ පච්චයා චිත්තසමුට්ඨානං රූපං. පටිසන්ධික්ඛණෙ නෙවදස්සනෙන නභාවනාය පහාතබ්බහෙතුකෙ ඛන්ධෙ පච්චයා කටත්තාරූපං; ඛන්ධෙ පච්චයා වත්ථු…පෙ… එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

55. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; විචිකිච්ඡාසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නආරම්මණපච්චයා – භාවනාය පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; උද්ධච්චසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං. (1)

නඅධිපතිපච්චයාදි

56. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති නඅධිපතිපච්චයා (සහජාතසදිසං)… නඅනන්තරපච්චයා … නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා (පටිච්චවාරෙ පච්චනීයසදිසං, තෙරස පඤ්හා. නින්නානං)… නපච්ඡාජාතපච්චයා… නආසෙවනපච්චයා.

නකම්මපච්චයො

57. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති නකම්මපච්චයා – දස්සනෙන පහාතබ්බහෙතුකෙ ඛන්ධෙ පච්චයා දස්සනෙන පහාතබ්බහෙතුකා චෙතනා. (1)

භාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ධම්මො උප්පජ්ජති නකම්මපච්චයා – භාවනාය පහාතබ්බහෙතුකෙ ඛන්ධෙ පච්චයා භාවනාය පහාතබ්බහෙතුකා චෙතනා. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති නකම්මපච්චයා – නෙවදස්සනෙන නභාවනාය පහාතබ්බහෙතුකෙ ඛන්ධෙ පච්චයා නෙවදස්සනෙන නභාවනාය පහාතබ්බහෙතුකා චෙතනා; බාහිරං… ආහාරසමුට්ඨානං… උතුසමුට්ඨානං…පෙ… වත්ථුං පච්චයා නෙවදස්සනෙන නභාවනාය පහාතබ්බහෙතුකා චෙතනා. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති නකම්මපච්චයා – වත්ථුං පච්චයා දස්සනෙන පහාතබ්බහෙතුකා චෙතනා; විචිකිච්ඡාසහගතං මොහං පච්චයා සම්පයුත්තකා චෙතනා. (2)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ධම්මො උප්පජ්ජති නකම්මපච්චයා – වත්ථුං පච්චයා භාවනාය පහාතබ්බහෙතුකා චෙතනා; උද්ධච්චසහගතං මොහං පච්චයා සම්පයුත්තකා චෙතනා. (3)

58. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති නකම්මපච්චයා – දස්සනෙන පහාතබ්බහෙතුකෙ ඛන්ධෙ ච වත්ථුඤ්ච පච්චයා දස්සනෙන පහාතබ්බහෙතුකා චෙතනා; විචිකිච්ඡාසහගතෙ ඛන්ධෙ ච මොහඤ්ච පච්චයා සම්පයුත්තකා චෙතනා. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා භාවනාය පහාතබ්බහෙතුකො ධම්මො උප්පජ්ජති නකම්මපච්චයා – භාවනාය පහාතබ්බහෙතුකෙ ඛන්ධෙ ච වත්ථුඤ්ච පච්චයා භාවනාය පහාතබ්බහෙතුකා චෙතනා; උද්ධච්චසහගතෙ ඛන්ධෙ ච මොහඤ්ච පච්චයා සම්පයුත්තකා චෙතනා. (1)

නවිපාකපච්චයාදි

59. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති නවිපාකපච්චයා (පරිපුණ්ණං, පටිසන්ධි නත්ථි), නආහාරපච්චයා – බාහිරං… උතුසමුට්ඨානං… අසඤ්ඤසත්තානං…පෙ… නඉන්ද්‍රියපච්චයා – බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… මහාභූතෙ පච්චයා රූපජීවිතින්ද්‍රියං… නඣානපච්චයා – පඤ්චවිඤ්ඤාණසහගතං එකං ඛන්ධං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… නමග්ගපච්චයා – අහෙතුකං එකං…පෙ… නසම්පයුත්තපච්චයා… නවිප්පයුත්තපච්චයා… (පටිච්චවාරපච්චනීයෙ නවිප්පයුත්තසදිසං, නින්නානං. එකාදස). නොනත්ථිපච්චයා… නොවිගතපච්චයා.