1. විභඞ්ගවාරො

හෙතුපච්චයො

35. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා… තීණි (පටිච්චවාරසදිසං).

භාවනාය පහාතබ්බහෙතුකං ධම්මං පච්චයා… තීණි (පටිච්චවාරසදිසං).

නෙවදස්සනෙන නභාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය… එකං (පටිච්චවාරසදිසං). වත්ථුං පච්චයා නෙවදස්සනෙන නභාවනාය පහාතබ්බහෙතුකා ඛන්ධා. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා; විචිකිච්ඡාසහගතං මොහං පච්චයා සම්පයුත්තකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ධම්මො උප්පජ්ජති හෙතුපච්චයා – වත්ථුං පච්චයා භාවනාය පහාතබ්බහෙතුකා ඛන්ධා; උද්ධච්චසහගතං මොහං පච්චයා සම්පයුත්තකා ඛන්ධා. (3)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා; මහාභූතෙ පච්චයා චිත්තසමුට්ඨානං රූපං; විචිකිච්ඡාසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං. (4)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – වත්ථුං පච්චයා භාවනාය පහාතබ්බහෙතුකා ඛන්ධා; මහාභූතෙ පච්චයා චිත්තසමුට්ඨානං රූපං; උද්ධච්චසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං. (5)

36. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ ච මොහඤ්ච පච්චයා ද්වෙ ඛන්ධා. (1)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; විචිකිච්ඡාසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං. (2)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති හෙතුපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා; දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ…. (3)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා භාවනාය පහාතබ්බහෙතුකො ධම්මො උප්පජ්ජති හෙතුපච්චයා… තීණි.

ආරම්මණපච්චයො

37. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා… තීණි (පටිච්චවාරෙ ආරම්මණසදිසා).

භාවනාය පහාතබ්බහෙතුකං ධම්මං පච්චයා… තීණි (පටිච්චවාරසදිසා).

38. නෙවදස්සනෙන නභාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – නෙවදස්සනෙන නභාවනාය පහාතබ්බහෙතුකං එකං ඛන්ධං පච්චයා තයො ඛන්ධා…පෙ… ද්වෙ ඛන්ධා. පටිසන්ධික්ඛණෙ…පෙ… වත්ථුං පච්චයා ඛන්ධා. චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං; වත්ථුං පච්චයා නෙවදස්සනෙන නභාවනාය පහාතබ්බහෙතුකා ඛන්ධා. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා; විචිකිච්ඡාසහගතං මොහං පච්චයා සම්පයුත්තකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – වත්ථුං පච්චයා භාවනාය පහාතබ්බහෙතුකා ඛන්ධා; උද්ධච්චසහගතං මොහං පච්චයා සම්පයුත්තකා ඛන්ධා. (3)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති ආරම්මණපච්චයා – වත්ථුං පච්චයා විචිකිච්ඡාසහගතා ඛන්ධා ච මොහො ච. (4)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති ආරම්මණපච්චයා – වත්ථුං පච්චයා උද්ධච්චසහගතා ඛන්ධා ච මොහො ච. (5)

39. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති ආරම්මණපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා; විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ ච මොහඤ්ච පච්චයා ද්වෙ ඛන්ධා. (1)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – විචිකිච්ඡාසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො මොහො. (2)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති ආරම්මණපච්චයා – විචිකිච්ඡාසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… ද්වෙ ඛන්ධෙ ච වත්ථුඤ්ච…පෙ…. (3)

40. භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා භාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – භාවනාය පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා; උද්ධච්චසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධා. (1)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති ආරම්මණපච්චයා – උද්ධච්චසහගතෙ ඛන්ධෙ ච වත්ථුඤ්ච පච්චයා උද්ධච්චසහගතො මොහො. (2)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති ආරම්මණපච්චයා – උද්ධච්චසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… ද්වෙ ඛන්ධෙ ච…පෙ…. (3)

අධිපතිපච්චයාදි

41. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති අධිපතිපච්චයා… තීණි.

භාවනාය පහාතබ්බහෙතුකං ධම්මං පච්චයා… තීණි.

නෙවදස්සනෙන නභාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති අධිපතිපච්චයා – එකං…පෙ… වත්ථුං පච්චයා නෙවදස්සනෙන නභාවනාය පහාතබ්බහෙතුකා ඛන්ධා. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති අධිපතිපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ධම්මො උප්පජ්ජති අධිපතිපච්චයා – වත්ථුං පච්චයා භාවනාය පහාතබ්බහෙතුකා ඛන්ධා. (3)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති අධිපතිපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා; මහාභූතෙ පච්චයා චිත්තසමුට්ඨානං රූපං. (4)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති අධිපතිපච්චයා – වත්ථුං පච්චයා භාවනාය පහාතබ්බහෙතුකා ඛන්ධා; මහාභූතෙ පච්චයා චිත්තසමුට්ඨානං රූපං. (5)

42. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති අධිපතිපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ…. (1)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති අධිපතිපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති අධිපතිපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ ච…පෙ… දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා භාවනාය පහාතබ්බහෙතුකො ධම්මො උප්පජ්ජති අධිපතිපච්චයා – භාවනාය පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… තීණි… (දස්සනෙන සදිසා) අනන්තරපච්චයා… සමනන්තරපච්චයා.

සහජාතපච්චයො

43. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති සහජාතපච්චයා – දස්සනෙන පහාතබ්බහෙතුකං එකං ඛන්ධං පච්චයා තයො ඛන්ධා…පෙ…. (1)

දස්සනෙන පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති සහජාතපච්චයා – දස්සනෙන පහාතබ්බහෙතුකෙ ඛන්ධෙ පච්චයා චිත්තසමුට්ඨානං රූපං; විචිකිච්ඡාසහගතෙ ඛන්ධෙ පච්චයා විචිකිච්ඡාසහගතො මොහො චිත්තසමුට්ඨානඤ්ච රූපං. (2)

දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති සහජාතපච්චයා – දස්සනෙන පහාතබ්බහෙතුකං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… විචිකිච්ඡාසහගතං එකං ඛන්ධං පච්චයා තයො ඛන්ධා මොහො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

භාවනාය පහාතබ්බහෙතුකං ධම්මං පච්චයා… තීණි (සංඛිත්තං. දස්සනෙන සදිසා ).

44. නෙවදස්සනෙන නභාවනාය පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති සහජාතපච්චයා – නෙවදස්සනෙන නභාවනාය පහාතබ්බහෙතුකං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… විචිකිච්ඡාසහගතං උද්ධච්චසහගතං මොහං පච්චයා චිත්තසමුට්ඨානං රූපං. පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං පච්චයා තයො මහාභූතා…පෙ… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං; වත්ථුං පච්චයා නෙවදස්සනෙන නභාවනාය පහාතබ්බහෙතුකා ඛන්ධා. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති සහජාතපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා; විචිකිච්ඡාසහගතං මොහං පච්චයා සම්පයුත්තකා ඛන්ධා. (2)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ධම්මො උප්පජ්ජති සහජාතපච්චයා – වත්ථුං පච්චයා භාවනාය පහාතබ්බහෙතුකා ඛන්ධා; උද්ධච්චසහගතං මොහං පච්චයා සම්පයුත්තකා ඛන්ධා. (3)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති සහජාතපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා; මහාභූතෙ පච්චයා චිත්තසමුට්ඨානං රූපං; විචිකිච්ඡාසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං; වත්ථුං පච්චයා විචිකිච්ඡාසහගතා ඛන්ධා ච මොහො ච. (4)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති සහජාතපච්චයා – වත්ථුං පච්චයා භාවනාය පහාතබ්බහෙතුකා ඛන්ධා; මහාභූතෙ පච්චයා චිත්තසමුට්ඨානං රූපං; උද්ධච්චසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං; වත්ථුං පච්චයා උද්ධච්චසහගතා ඛන්ධා ච මොහො ච. (5)

45. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති සහජාතපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ…. (1)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති සහජාතපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; විචිකිච්ඡාසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං; විචිකිච්ඡාසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො මොහො. (2)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති සහජාතපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං; විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා; චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… විචිකිච්ඡාසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… ද්වෙ ඛන්ධෙ ච වත්ථුඤ්ච පච්චයා ද්වෙ ඛන්ධා මොහො ච. (3)

භාවනාය පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා භාවනාය පහාතබ්බහෙතුකො ධම්මො උප්පජ්ජති සහජාතපච්චයා… තීණි.

අඤ්ඤමඤ්ඤපච්චයාදි

46. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා… කම්මපච්චයා… විපාකපච්චයා… ආහාරපච්චයා… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා.

විප්පයුත්තපච්චයො

47. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති විප්පයුත්තපච්චයා – දස්සනෙන පහාතබ්බහෙතුකං එකං ඛන්ධං පච්චයා තයො ඛන්ධා…පෙ… ද්වෙ ඛන්ධා, ඛන්ධා වත්ථුං විප්පයුත්තපච්චයා. (1)

දස්සනෙන පහාතබ්බහෙතුකං ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති විප්පයුත්තපච්චයා – දස්සනෙන පහාතබ්බහෙතුකෙ ඛන්ධෙ පච්චයා චිත්තසමුට්ඨානං රූපං, ඛන්ධෙ විප්පයුත්තපච්චයා. විචිකිච්ඡාසහගතෙ ඛන්ධෙ පච්චයා මොහො චිත්තසමුට්ඨානඤ්ච රූපං, මොහො වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. (2)

දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති විප්පයුත්තපච්චයා – දස්සනෙන පහාතබ්බහෙතුකං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. විචිකිච්ඡාසහගතං එකං ඛන්ධං පච්චයා තයො ඛන්ධා මොහො ච චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… ඛන්ධා ච මොහො ච වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. (3)

භාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ධම්මො උප්පජ්ජති විප්පයුත්තපච්චයා… තීණි (දස්සනෙන සදිසා).

48. නෙවදස්සනෙන නභාවනාය පහාතබ්බහෙතුකං ධම්මං නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති විප්පයුත්තපච්චයා – නෙවදස්සනෙන නභාවනාය පහාතබ්බහෙතුකං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං… ද්වෙ ඛන්ධෙ…පෙ… ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. විචිකිච්ඡාසහගතං උද්ධච්චසහගතං මොහං පච්චයා චිත්තසමුට්ඨානං රූපං, මොහං විප්පයුත්තපච්චයා. පටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා. ඛන්ධා වත්ථුං විප්පයුත්තපච්චයා. වත්ථු ඛන්ධෙ විප්පයුත්තපච්චයා. එකං මහාභූතං පච්චයා තයො මහාභූතා…පෙ… මහාභූතෙ පච්චයා චිත්තසමුට්ඨානං රූපං කටත්තාරූපං උපාදාරූපං, ඛන්ධෙ විප්පයුත්තපච්චයා. චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං; වත්ථුං පච්චයා නෙවදස්සනෙන නභාවනාය පහාතබ්බහෙතුකා ඛන්ධා. (1)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති විප්පයුත්තපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා, වත්ථුං විප්පයුත්තපච්චයා. විචිකිච්ඡාසහගතං මොහං පච්චයා සම්පයුත්තකා ඛන්ධා, වත්ථුං විප්පයුත්තපච්චයා. (2)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ධම්මො උප්පජ්ජති විප්පයුත්තපච්චයා – වත්ථුං පච්චයා භාවනාය පහාතබ්බහෙතුකා ඛන්ධා, වත්ථුං විප්පයුත්තපච්චයා. උද්ධච්චසහගතං මොහං පච්චයා සම්පයුත්තකා ඛන්ධා, වත්ථුං විප්පයුත්තපච්චයා. (3)

නෙවදස්සනෙන නභාවනාය පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති විප්පයුත්තපච්චයා – වත්ථුං පච්චයා දස්සනෙන පහාතබ්බහෙතුකා ඛන්ධා; මහාභූතෙ පච්චයා චිත්තසමුට්ඨානං රූපං, ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං, ඛන්ධෙ විප්පයුත්තපච්චයා. විචිකිච්ඡාසහගතං මොහං පච්චයා සම්පයුත්තකා ඛන්ධා චිත්තසමුට්ඨානඤ්ච රූපං, ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං මොහං විප්පයුත්තපච්චයා. වත්ථුං පච්චයා විචිකිච්ඡාසහගතා ඛන්ධා ච මොහො ච, වත්ථුං විප්පයුත්තපච්චයා. (4)

නෙවදස්සනෙන නභාවනාය පහාතබ්බහෙතුකං ධම්මං පච්චයා භාවනාය පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති විප්පයුත්තපච්චයා – වත්ථුං පච්චයා භාවනාය පහාතබ්බහෙතුකා ඛන්ධා…පෙ… (දස්සනෙන සදිසං). (5)

49. දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති විප්පයුත්තපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… වත්ථුං විප්පයුත්තපච්චයා. විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… වත්ථුං විප්පයුත්තපච්චයා. (1)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා නෙවදස්සනෙන නභාවනාය පහාතබ්බහෙතුකො ධම්මො උප්පජ්ජති විප්පයුත්තපච්චයා – දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, ඛන්ධෙ විප්පයුත්තපච්චයා. විචිකිච්ඡාසහගතෙ ඛන්ධෙ ච මොහඤ්ච පච්චයා චිත්තසමුට්ඨානං රූපං, ඛන්ධෙ ච මොහඤ්ච විප්පයුත්තපච්චයා. විචිකිච්ඡාසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො මොහො, වත්ථුං විප්පයුත්තපච්චයා. (2)

දස්සනෙන පහාතබ්බහෙතුකඤ්ච නෙවදස්සනෙන නභාවනාය පහාතබ්බහෙතුකඤ්ච ධම්මං පච්චයා දස්සනෙන පහාතබ්බහෙතුකො ච නෙවදස්සනෙන නභාවනාය පහාතබ්බහෙතුකො ච ධම්මා උප්පජ්ජන්ති විප්පයුත්තපච්චයා – දස්සනෙන පහාතබ්බහෙතුකං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධෙ…පෙ… දස්සනෙන පහාතබ්බහෙතුකෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං, ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං ඛන්ධෙ විප්පයුත්තපච්චයා. විචිකිච්ඡාසහගතං එකං ඛන්ධඤ්ච මොහඤ්ච පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ ච…පෙ… ඛන්ධා වත්ථුං විප්පයුත්තපච්චයා. චිත්තසමුට්ඨානං රූපං, ඛන්ධෙ ච මොහඤ්ච විප්පයුත්තපච්චයා. විචිකිච්ඡාසහගතං එකං ඛන්ධඤ්ච වත්ථුඤ්ච පච්චයා තයො ඛන්ධා මොහො ච…පෙ… ද්වෙ ඛන්ධෙ ච…පෙ… වත්ථුං විප්පයුත්තපච්චයා. (3)

භාවනාය පහාතබ්බහෙතුකඤ්ච…පෙ… තීණි (දස්සනෙන සදිසා).

අත්ථිපච්චයාදි

50. දස්සනෙන පහාතබ්බහෙතුකං ධම්මං පච්චයා දස්සනෙන පහාතබ්බහෙතුකො ධම්මො උප්පජ්ජති අත්ථිපච්චයා… නත්ථිපච්චයා… විගතපච්චයා… අවිගතපච්චයා.