1. විභඞ්ගවාරො

නහෙතුපච්චයො

16. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ පටිච්ච විචිකිච්ඡාසහගතො මොහො. (1)

භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ පටිච්ච උද්ධච්චසහගතො මොහො. (1)

නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නහෙතුපච්චයා – අහෙතුකං නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච…පෙ… අහෙතුකපටිසන්ධික්ඛණෙ නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච තයො මහාභූතා…පෙ… මහාභූතෙ පටිච්ච කටත්තාරූපං උපාදාරූපං. (1)

නආරම්මණපච්චයො

17. දස්සනෙන පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – දස්සනෙන පහාතබ්බෙ ඛන්ධෙ පටිච්ච චිත්තසමුට්ඨානං රූපං. (1)

භාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – භාවනාය පහාතබ්බෙ ඛන්ධෙ පටිච්ච චිත්තසමුට්ඨානං රූපං. (1)

නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – නෙවදස්සනෙන නභාවනාය පහාතබ්බෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ නෙවදස්සනෙන නභාවනාය පහාතබ්බෙ ඛන්ධෙ පටිච්ච කටත්තාරූපං, ඛන්ධෙ පටිච්ච වත්ථු; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

18. දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – දස්සනෙන පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – භාවනාය පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නඅධිපතිපච්චයාදි

19. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති නඅධිපතිපච්චයා… (පරිපුණ්ණං හෙතුපච්චයසදිසං) නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා.

නපුරෙජාතපච්චයො

20. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති නපුරෙජාතපච්චයා – අරූපෙ දස්සනෙන පහාතබ්බං එකං ඛන්ධං පටිච්ච තයො ඛන්ධා…පෙ…. (1)

දස්සනෙන පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නපුරෙජාතපච්චයා – දස්සනෙන පහාතබ්බෙ ඛන්ධෙ පටිච්ච චිත්තසමුට්ඨානං රූපං. (2)

භාවනාය පහාතබ්බං ධම්මං පටිච්ච භාවනාය පහාතබ්බො…පෙ… අරූපෙ භාවනාය පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

භාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො…පෙ… භාවනාය පහාතබ්බෙ ඛන්ධෙ පටිච්ච චිත්තසමුට්ඨානං රූපං. (2)

21. නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නපුරෙජාතපච්චයා – අරූපෙ නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා, නෙවදස්සනෙන නභාවනාය පහාතබ්බෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච තයො මහාභූතා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො…පෙ… දස්සනෙන පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නපුරෙජාතපච්චයා – භාවනාය පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

නපච්ඡාජාතපච්චයාදි

22. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති නපච්ඡාජාතපච්චයා… නආසෙවනපච්චයා.

නකම්මපච්චයො

23. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති නකම්මපච්චයා – දස්සනෙන පහාතබ්බෙ ඛන්ධෙ පටිච්ච දස්සනෙන පහාතබ්බා චෙතනා. (1)

භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති නකම්මපච්චයා – භාවනාය පහාතබ්බෙ ඛන්ධෙ පටිච්ච භාවනාය පහාතබ්බා චෙතනා. (1)

නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නකම්මපච්චයා – නෙවදස්සනෙන නභාවනාය පහාතබ්බෙ ඛන්ධෙ පටිච්ච නෙවදස්සනෙන නභාවනාය පහාතබ්බා චෙතනා; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

නවිපාකපච්චයො

24. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති නවිපාකපච්චයා (නඅධිපතිපච්චයසදිසං, පටිසන්ධි නත්ථි).

නආහාරපච්චයො

25. නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නආහාරපච්චයා – බාහිරං… උතුසමුට්ඨානං… අසඤ්ඤසත්තානං එකං මහාභූතං…පෙ….

නඉන්ද්‍රියපච්චයො

26. නෙවදස්සනෙන නභාවනාය පහාතබ්බං…පෙ… නඉන්ද්‍රියපච්චයා – බාහිරං… ආහාරසමුට්ඨානං… උතුසමුට්ඨාන… එකං මහාභූතං…පෙ… අසඤ්ඤසත්තානං මහාභූතෙ පටිච්ච රූපජීවිතින්ද්‍රියං.

නඣානපච්චයො

27. නෙවදස්සනෙන නභාවනාය පහාතබ්බං ධම්මං…පෙ… නඣානපච්චයා – පඤ්චවිඤ්ඤාණසහගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. උතුසමුට්ඨානං, අසඤ්ඤසත්තානං එකං මහාභූතං…පෙ….

නමග්ගපච්චයො

28. නෙවදස්සනෙන නභාවනාය පහාතබ්බං…පෙ… නමග්ගපච්චයා – අහෙතුකං නෙවදස්සනෙන නභාවනාය පහාතබ්බං…පෙ… අහෙතුකපටිසන්ධික්ඛණෙ…පෙ… එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ….

නසම්පයුත්තපච්චයො

29. දස්සනෙන පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති නසම්පයුත්තපච්චයා (නආරම්මණසදිසං).

නවිප්පයුත්තපච්චයො

30. දස්සනෙන පහාතබ්බං…පෙ… නවිප්පයුත්තපච්චයා – අරූපෙ දස්සනෙන පහාතබ්බං එකං ඛන්ධං පටිච්ච…පෙ…. (1)

භාවනාය පහාතබ්බං…පෙ… නවිප්පයුත්තපච්චයා – අරූපෙ භාවනාය පහාතබ්බං එකං ඛන්ධං…පෙ…. (1)

නෙවදස්සනෙන නභාවනාය පහාතබ්බං…පෙ… නවිප්පයුත්තපච්චයා – අරූපෙ නෙවදස්සනෙන නභාවනාය පහාතබ්බං එකං ඛන්ධං පටිච්ච…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

නොනත්ථි-නොවිගතපච්චයා

31. දස්සනෙන පහාතබ්බං ධම්මං පටිච්ච නෙවදස්සනෙන නභාවනාය…පෙ… නොනත්ථිපච්චයා… නොවිගතපච්චයා (නආරම්මණසදිසං).