1. පච්චයානුලොමං

2. සඞ්ඛ්‍යාවාරො

97. හෙතුයා සත්ත, ආරම්මණෙ අට්ඨ, අධිපතියා දස, අනන්තරෙ සත්ත, සමනන්තරෙ සත්ත, සහජාතෙ නව, අඤ්ඤමඤ්ඤෙ තීණි, නිස්සයෙ තෙරස, උපනිස්සයෙ අට්ඨ, පුරෙජාතෙ තීණි, පච්ඡාජාතෙ තීණි, ආසෙවනෙ තීණි, කම්මෙ සත්ත, විපාකෙ එකං, ආහාරෙ සත්ත, ඉන්ද්‍රියෙ සත්ත, ඣානෙ සත්ත, මග්ගෙ සත්ත, සම්පයුත්තෙ තීණි, විප්පයුත්තෙ පඤ්ච, අත්ථියා තෙරස, නත්ථියා සත්ත, විගතෙ සත්ත, අවිගතෙ තෙරස (එවං ගණෙතබ්බං).

අනුලොමං.

පච්චනීයුද්ධාරො

98. දස්සනෙන පහාතබ්බො ධම්මො දස්සනෙන පහාතබ්බස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

දස්සනෙන පහාතබ්බො ධම්මො නෙවදස්සනෙන නභාවනාය පහාතබ්බස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො. (2)

දස්සනෙන පහාතබ්බො ධම්මො දස්සනෙන පහාතබ්බස්ස ච නෙවදස්සනෙන නභාවනාය පහාතබ්බස්ස ච ධම්මස්ස සහජාතපච්චයෙන පච්චයො. (3)

99. භාවනාය පහාතබ්බො ධම්මො භාවනාය පහාතබ්බස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (1)

භාවනාය පහාතබ්බො ධම්මො දස්සනෙන පහාතබ්බස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (2)

භාවනාය පහාතබ්බො ධම්මො නෙවදස්සනෙන නභාවනාය පහාතබ්බස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. (3)

භාවනාය පහාතබ්බො ධම්මො භාවනාය පහාතබ්බස්ස ච නෙවදස්සනෙන නභාවනාය පහාතබ්බස්ස ච ධම්මස්ස සහජාතපච්චයෙන පච්චයො. (4)

100. නෙවදස්සනෙන නභාවනාය පහාතබ්බො ධම්මො නෙවදස්සනෙන නභාවනාය පහාතබ්බස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… කම්මපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)

නෙවදස්සනෙන නභාවනාය පහාතබ්බො ධම්මො දස්සනෙන පහාතබ්බස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (2)

නෙවදස්සනෙන නභාවනාය පහාතබ්බො ධම්මො භාවනාය පහාතබ්බස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො. (3)

101. දස්සනෙන පහාතබ්බො ච නෙවදස්සනෙන නභාවනාය පහාතබ්බො ච ධම්මා දස්සනෙන පහාතබ්බස්ස ධම්මස්ස සහජාතං, පුරෙජාතං. (1)

දස්සනෙන පහාතබ්බො ච නෙවදස්සනෙන නභාවනාය පහාතබ්බො ච ධම්මා නෙවදස්සනෙන නභාවනාය පහාතබ්බස්ස ධම්මස්ස සහජාතං, පච්ඡාජාතං, ආහාරං, ඉන්ද්‍රියං. (2)

භාවනාය පහාතබ්බො ච නෙවදස්සනෙන නභාවනාය පහාතබ්බො ච ධම්මා භාවනාය පහාතබ්බස්ස ධම්මස්ස සහජාතං, පුරෙජාතං. (1)

භාවනාය පහාතබ්බො ච නෙවදස්සනෙන නභාවනාය පහාතබ්බො ච ධම්මා නෙවදස්සනෙන නභාවනාය පහාතබ්බස්ස ධම්මස්ස සහජාතං, පච්ඡාජාතං, ආහාරං, ඉන්ද්‍රියං. (2)