1. විභඞ්ගවාරො

හෙතුපච්චයො

1. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති හෙතුපච්චයා – දස්සනෙන පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

දස්සනෙන පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා – දස්සනෙන පහාතබ්බෙ ඛන්ධෙ පටිච්ච චිත්තසමුට්ඨානං රූපං. (2)

දස්සනෙන පහාතබ්බං ධම්මං පටිච්ච දස්සනෙන පහාතබ්බො ච නෙවදස්සනෙන නභාවනාය පහාතබ්බො ච ධම්මා උප්පජ්ජන්ති හෙතුපච්චයා – දස්සනෙන පහාතබ්බං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

2. භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති හෙතුපච්චයා – භාවනාය පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

භාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා – භාවනාය පහාතබ්බෙ ඛන්ධෙ පටිච්ච චිත්තසමුට්ඨානං රූපං. (2)

භාවනාය පහාතබ්බං ධම්මං පටිච්ච භාවනාය පහාතබ්බො ච නෙවදස්සනෙන නභාවනාය පහාතබ්බො ච ධම්මා උප්පජ්ජන්ති හෙතුපච්චයා – භාවනාය පහාතබ්බං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. (3)

3. නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා – නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං. පටිසන්ධික්ඛණෙ නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා කටත්තා ච රූපං, ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

4. දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා – දස්සනෙන පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති හෙතුපච්චයා – භාවනාය පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

ආරම්මණපච්චයො

5. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති ආරම්මණපච්චයා – දස්සනෙන පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති ආරම්මණපච්චයා – භාවනාය පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. (1)

නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති ආරම්මණපච්චයා – නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. වත්ථුං පටිච්ච ඛන්ධා. (1)

අධිපතිපච්චයො

6. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති අධිපතිපච්චයා… තීණි.

භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති අධිපතිපච්චයා… තීණි.

නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති අධිපතිපච්චයා – නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං උපාදාරූපං. (1)

7. දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති අධිපතිපච්චයා – දස්සනෙන පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති අධිපතිපච්චයා – භාවනාය පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අනන්තර-සමනන්තරපච්චයා

8. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති අනන්තරපච්චයා… සමනන්තරපච්චයා (ආරම්මණසදිසං).

සහජාතපච්චයො

9. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති සහජාතපච්චයා… තීණි.

භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති සහජාතපච්චයා… තීණි.

නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති සහජාතපච්චයා…පෙ… එකං මහාභූතං පටිච්ච…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ…. (1)

10. දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති සහජාතපච්චයා – දස්සනෙන පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං.

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති සහජාතපච්චයා – භාවනාය පහාතබ්බෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අඤ්ඤමඤ්ඤපච්චයො

11. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති අඤ්ඤමඤ්ඤපච්චයා… එකං.

භාවනාය පහාතබ්බං ධම්මං පටිච්ච භාවනාය පහාතබ්බො ධම්මො උප්පජ්ජති සහජාතපච්චයා… එකං.

නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති අඤ්ඤමඤ්ඤපච්චයා – නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච ද්වෙ ඛන්ධා. පටිසන්ධික්ඛණෙ නෙවදස්සනෙන නභාවනාය පහාතබ්බං එකං ඛන්ධං පටිච්ච තයො ඛන්ධා වත්ථු ච…පෙ… ද්වෙ ඛන්ධෙ පටිච්ච ද්වෙ ඛන්ධා වත්ථු ච, ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා; බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… ද්වෙ මහාභූතෙ පටිච්ච ද්වෙ මහාභූතා.

නිස්සයපච්චයාදි

12. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති නිස්සයපච්චයා… (හෙතුපච්චයසදිසං) උපනිස්සයපච්චයා… තීණි… පුරෙජාතපච්චයා… තීණි (පටිසන්ධි නත්ථි)… ආසෙවනපච්චයා… (විපාකපටිසන්ධි නත්ථි) කම්මපච්චයා (පරිපුණ්ණං. අජ්ඣත්තිකා ච අසඤ්ඤසත්තානඤ්ච මහාභූතා).

විපාකපච්චයො

13. නෙවදස්සනෙන නභාවනාය පහාතබ්බං ධම්මං පටිච්ච නෙවදස්සනෙන නභාවනාය පහාතබ්බො ධම්මො උප්පජ්ජති විපාකපච්චයා – විපාකං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා; එකං මහාභූතං…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

ආහාරපච්චයාදි

14. දස්සනෙන පහාතබ්බං ධම්මං පටිච්ච දස්සනෙන පහාතබ්බො ධම්මො උප්පජ්ජති ආහාරපච්චයා (පරිපුණ්ණං, අජ්ඣත්තිකා මහාභූතා ච ආහාරසමුට්ඨානඤ්ච)… ඉන්ද්‍රියපච්චයා (කම්මපච්චයසදිසං)… ඣානපච්චයා… මග්ගපච්චයා (හෙතුපච්චයසදිසං)… සම්පයුත්තපච්චයා (ආරම්මණපච්චයසදිසං)… විප්පයුත්තපච්චයා (කුසලත්තිකෙ විප්පයුත්තපච්චයසදිසං)… අත්ථිපච්චයා (සහජාතපච්චයසදිසං)… නත්ථිපච්චයා… විගතපච්චයා… අවිගතපච්චයා.