1. විභඞ්ගවාරො

නහෙතුපච්චයො

63. දස්සනෙන පහාතබ්බං ධම්මං සංසට්ඨො දස්සනෙන පහාතබ්බො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ සංසට්ඨො විචිකිච්ඡාසහගතො මොහො. (1)

භාවනාය පහාතබ්බං ධම්මං සංසට්ඨො භාවනාය පහාතබ්බො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ සංසට්ඨො උද්ධච්චසහගතො මොහො. (1)

නෙවදස්සනෙන නභාවනාය පහාතබ්බං ධම්මං සංසට්ඨො නෙවදස්සනෙන නභාවනාය පහාතබ්බො ධම්මො උප්පජ්ජති නහෙතුපච්චයා – අහෙතුකං නෙවදස්සනෙන නභාවනාය පහාතබ්බං එකං ඛන්ධං සංසට්ඨා තයො ඛන්ධා…පෙ… අහෙතුකපටිසන්ධික්ඛණෙ…පෙ…. (1)

නඅධිපතිපච්චයාදි

64. දස්සනෙන පහාතබ්බං ධම්මං සංසට්ඨො දස්සනෙන පහාතබ්බො ධම්මො උප්පජ්ජති නඅධිපතිපච්චයා… නපුරෙජාතපච්චයා… නපච්ඡාජාතපච්චයා… නආසෙවනපච්චයා… නකම්මපච්චයා… නවිපාකපච්චයා… – නෙවදස්සනෙන නභාවනාය…පෙ… නඣානපච්චයා – පඤ්චවිඤ්ඤාණං…පෙ… නමග්ගපච්චයා – අහෙතුකං…පෙ… නෙවදස්සනෙන නභාවනාය පහාතබ්බො…පෙ… නවිප්පයුත්තපච්චයා… තීණි.