1. විභඞ්ගවාරො

නහෙතුපච්චයො

46. දස්සනෙන පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ පච්චයා විචිකිච්ඡාසහගතො මොහො. (1)

භාවනාය පහාතබ්බං ධම්මං පච්චයා භාවනාය පහාතබ්බො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ පච්චයා උද්ධච්චසහගතො මොහො. (1)

නෙවදස්සනෙන නභාවනාය පහාතබ්බං ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නහෙතුපච්චයා – අහෙතුකං නෙවදස්සනෙන නභාවනාය පහාතබ්බං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා නෙවදස්සනෙන නභාවනාය පහාතබ්බා ඛන්ධා. (1)

නෙවදස්සනෙන නභාවනාය පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති නහෙතුපච්චයා – වත්ථුං පච්චයා විචිකිච්ඡාසහගතො මොහො. (2)

නෙවදස්සනෙන නභාවනාය පහාතබ්බං ධම්මං පච්චයා භාවනාය පහාතබ්බො ධම්මො උප්පජ්ජති නහෙතුපච්චයා – වත්ථුං පච්චයා උද්ධච්චසහගතො මොහො. (3)

47. දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පච්චයා දස්සනෙන පහාතබ්බො ධම්මො උප්පජ්ජති නහෙතුපච්චයා – විචිකිච්ඡාසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො මොහො. (1)

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පච්චයා භාවනාය පහාතබ්බො ධම්මො උප්පජ්ජති නහෙතුපච්චයා – උද්ධච්චසහගතෙ ඛන්ධෙ ච වත්ථුඤ්ච පච්චයා උද්ධච්චසහගතො මොහො. (1)

නආරම්මණපච්චයො

48. දස්සනෙන පහාතබ්බං ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – දස්සනෙන පහාතබ්බෙ ඛන්ධෙ පච්චයා චිත්තසමුට්ඨානං රූපං. (1)

භාවනාය පහාතබ්බං ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – භාවනාය පහාතබ්බෙ ඛන්ධෙ පච්චයා චිත්තසමුට්ඨානං රූපං. (1)

නෙවදස්සනෙන නභාවනාය පහාතබ්බං ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – නෙවදස්සනෙන නභාවනාය පහාතබ්බෙ ඛන්ධෙ පච්චයා චිත්තසමුට්ඨානං රූපං. පටිසන්ධික්ඛණෙ නෙවදස්සනෙන නභාවනාය පහාතබ්බෙ ඛන්ධෙ පච්චයා කටත්තාරූපං, ඛන්ධෙ පච්චයා වත්ථු; එකං මහාභූතං පච්චයා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

49. දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පච්චයා දස්සනෙන පහාතබ්බො ධම්මො උප්පජ්ජති නආරම්මණපච්චයා – දස්සනෙන පහාතබ්බෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (1)

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නආරම්මණපච්චයා – භාවනාය පහාතබ්බෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (1)

නඅධිපතිපච්චයාදි

50. දස්සනෙන පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති නඅධිපතිපච්චයා (සහජාතසදිසං)… නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා.

නපුරෙජාතපච්චයො

51. දස්සනෙන පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති නපුරෙජාතපච්චයා – අරූපෙ දස්සනෙන පහාතබ්බං එකං ඛන්ධං පච්චයා…පෙ…. (1)

දස්සනෙන පහාතබ්බං ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නපුරෙජාතපච්චයා – දස්සනෙන පහාතබ්බෙ ඛන්ධෙ පච්චයා චිත්තසමුට්ඨානං රූපං. (2)

භාවනාය පහාතබ්බං ධම්මං පච්චයා භාවනාය පහාතබ්බො ධම්මො උප්පජ්ජති නපුරෙජාතපච්චයා – අරූපෙ භාවනාය පහාතබ්බං එකං ඛන්ධං පච්චයා…පෙ…. (1)

භාවනාය පහාතබ්බං ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නපුරෙජාතපච්චයා – භාවනාය පහාතබ්බෙ ඛන්ධෙ පච්චයා චිත්තසමුට්ඨානං රූපං. (2)

52. නෙවදස්සනෙන නභාවනාය පහාතබ්බං ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නපුරෙජාතපච්චයා – අරූපෙ නෙවදස්සනෙන නභාවනාය පහාතබ්බං එකං ඛන්ධං පච්චයා තයො ඛන්ධා…පෙ… නෙවදස්සනෙන නභාවනාය පහාතබ්බෙ ඛන්ධෙ පච්චයා චිත්තසමුට්ඨානං රූපං. පටිසන්ධික්ඛණෙ…පෙ… ඛන්ධෙ පච්චයා කටත්තාරූපං, ඛන්ධෙ පච්චයා වත්ථු, වත්ථුං පච්චයා ඛන්ධා; එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං, අසඤ්ඤසත්තානං…පෙ…. (1)

දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නපුරෙජාතපච්චයා – දස්සනෙන පහාතබ්බෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (1)

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පච්චයා නෙවදස්සනෙන නභාවනාය පහාතබ්බො ධම්මො උප්පජ්ජති නපුරෙජාතපච්චයා – භාවනාය පහාතබ්බෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (1)

නපච්ඡාජාතපච්චයාදි

53. දස්සනෙන පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති නපච්ඡාජාතපච්චයා… නආසෙවනපච්චයා.

නකම්මපච්චයො

54. දස්සනෙන පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති නකම්මපච්චයා – දස්සනෙන පහාතබ්බෙ ඛන්ධෙ පච්චයා දස්සනෙන පහාතබ්බා චෙතනා. (1)

භාවනාය පහාතබ්බං ධම්මං…පෙ… නකම්මපච්චයා – භාවනාය පහාතබ්බෙ ඛන්ධෙ පච්චයා භාවනාය පහාතබ්බා චෙතනා. (1)

නෙවදස්සනෙන නභාවනාය පහාතබ්බං ධම්මං…පෙ… නකම්මපච්චයා – නෙවදස්සනෙන නභාවනාය පහාතබ්බෙ ඛන්ධෙ පච්චයා නෙවදස්සනෙන නභාවනාය පහාතබ්බා චෙතනා; බාහිරං… ආහාරසමුට්ඨානං… උතුසමුට්ඨානං…පෙ…. (1)

නෙවදස්සනෙන නභාවනාය පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති නකම්මපච්චයා – වත්ථුං පච්චයා දස්සනෙන පහාතබ්බා චෙතනා. (2)

නෙවදස්සනෙන නභාවනාය පහාතබ්බං ධම්මං පච්චයා භාවනාය පහාතබ්බො ධම්මො උප්පජ්ජති නකම්මපච්චයා – වත්ථුං පච්චයා භාවනාය පහාතබ්බා චෙතනා. (3)

55. දස්සනෙන පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පච්චයා දස්සනෙන පහාතබ්බො ධම්මො උප්පජ්ජති නකම්මපච්චයා – දස්සනෙන පහාතබ්බෙ ඛන්ධෙ ච වත්ථුඤ්ච පච්චයා දස්සනෙන පහාතබ්බා චෙතනා. (1)

භාවනාය පහාතබ්බඤ්ච නෙවදස්සනෙන නභාවනාය පහාතබ්බඤ්ච ධම්මං පච්චයා භාවනාය පහාතබ්බො ධම්මො උප්පජ්ජති නකම්මපච්චයා – භාවනාය පහාතබ්බෙ ඛන්ධෙ ච වත්ථුඤ්ච පච්චයා භාවනාය පහාතබ්බා චෙතනා. (1)

නවිපාකපච්චයාදි

56. දස්සනෙන පහාතබ්බං ධම්මං පච්චයා දස්සනෙන පහාතබ්බො ධම්මො උප්පජ්ජති නවිපාකපච්චයා (පරිපුණ්ණං, පටිසන්ධි නත්ථි), නආහාරපච්චයා – බාහිරං… උතුසමුට්ඨානං… අසඤ්ඤසත්තානං…පෙ… නඉන්ද්‍රියපච්චයා – බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… මහාභූතෙ පච්චයා රූපජීවිතින්ද්‍රියං… නඣානපච්චයා – පඤ්චවිඤ්ඤාණං…පෙ… බාහිරං…පෙ… අසඤ්ඤසත්තානං…පෙ… නමග්ගපච්චයා – අහෙතුකං නෙවදස්සනෙන නභාවනාය පහාතබ්බං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… අහෙතුකපටිසන්ධික්ඛණෙ…පෙ… එකං මහාභූතං…පෙ… අසඤ්ඤසත්තානං…පෙ… නසම්පයුත්තපච්චයා, නවිප්පයුත්තපච්චයා – අරූපෙ දස්සනෙන පහාතබ්බං එකං ඛන්ධං පච්චයා…පෙ… අරූපෙ භාවනාය පහාතබ්බං එකං ඛන්ධං පච්චයා තයො ඛන්ධා…පෙ… නෙවදස්සනෙන නභාවනාය පහාතබ්බං ධම්මං පච්චයා නෙවදස්සනෙන…පෙ… අරූපෙ නෙවදස්සනෙන නභාවනාය පහාතබ්බං එකං ඛන්ධං පච්චයා තයො ඛන්ධා…පෙ… ද්වෙ ඛන්ධෙ…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… නොනත්ථිපච්චයා… නොවිගතපච්චයා.