1. විභඞ්ගවාරො

නහෙතුපච්චයො

7. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති නහෙතුපච්චයා – අහෙතුකං අජ්ඣත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා. එකං මහාභූතං…පෙ… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ… මහාභූතෙ පටිච්ච කටත්තාරූපං උපාදාරූපං. විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති නහෙතුපච්චයා – අහෙතුකං බහිද්ධා එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා. එකං මහාභූතං පටිච්ච…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

නආරම්මණපච්චයො

8. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති නආරම්මණපච්චයා – අජ්ඣත්තෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ අජ්ඣත්තෙ ඛන්ධෙ පටිච්ච කටත්තාරූපං. ඛන්ධෙ පටිච්ච වත්ථු…පෙ… එකං මහාභූතං පටිච්ච…පෙ… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ…. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති නආරම්මණපච්චයා – බහිද්ධා ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ බහිද්ධා ඛන්ධෙ පටිච්ච කටත්තාරූපං. ඛන්ධෙ පටිච්ච වත්ථු…පෙ… එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

නඅධිපතිපච්චයාදි

9. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති නඅධිපතිපච්චයා…පෙ… (අනුලොමසහජාතසදිසං, නින්නානාකරණං) නඅනන්තරපච්චයා… නසමනන්තරපච්චයා … නඅඤ්ඤමඤ්ඤපච්චයා … නඋපනිස්සයපච්චයා, නපුරෙජාතපච්චයා – අරූපෙ අජ්ඣත්තං එකං ඛන්ධං පටිච්ච…පෙ… අජ්ඣත්තෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ අජ්ඣත්තං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා. එකං මහාභූතං පටිච්ච…පෙ… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ….

10. බහිද්ධා ධම්මං පටිච්ච බහිද්ධා ධම්මො උප්පජ්ජති නපුරෙජාතපච්චයා – අරූපෙ බහිද්ධා එකං ඛන්ධං පටිච්ච…පෙ… ද්වෙ ඛන්ධෙ…පෙ… බහිද්ධා ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ (පරිපුණ්ණං) එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ….

නපච්ඡාජාතපච්චයාදි

11. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති නපච්ඡාජාතපච්චයා, නආසෙවනපච්චයා, නකම්මපච්චයා – අජ්ඣත්තෙ ඛන්ධෙ පටිච්ච අජ්ඣත්තා චෙතනා. ආහාරසමුට්ඨානං… උතුසමුට්ඨානං…පෙ…. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති නකම්මපච්චයා – බහිද්ධා ඛන්ධෙ පටිච්ච බහිද්ධා චෙතනා. බාහිරං… ආහාරසමුට්ඨානං… උතුසමුට්ඨානං…. (1)

නවිපාකපච්චයාදි

12. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති නවිපාකපච්චයා (පටිසන්ධි නත්ථි), නආහාරපච්චයා – උතුසමුට්ඨානං… අසඤ්ඤසත්තානං…පෙ…. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති නආහාරපච්චයා – බාහිරං… උතුසමුට්ඨානං… අසඤ්ඤසත්තානං…පෙ…. (1)

අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති නඉන්ද්‍රියපච්චයා – ආහාරසමුට්ඨානං… උතුසමුට්ඨානං… අසඤ්ඤසත්තානං… මහාභූතෙ පටිච්ච රූපජීවිතින්ද්‍රියං. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති නඉන්ද්‍රියපච්චයා – බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං… මහාභූතෙ පටිච්ච රූපජීවිතින්ද්‍රියං. (1)

නඣානපච්චයො

13. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති නඣානපච්චයා – පඤ්චවිඤ්ඤාණසහගතං…පෙ… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති නඣානපච්චයා – පඤ්චවිඤ්ඤාණසහගතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

නමග්ගපච්චයාදි

14. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති නමග්ගපච්චයා… (නහෙතුසදිසං. මොහො නත්ථි) නසම්පයුත්තපච්චයා… නවිප්පයුත්තපච්චයා – අරූපෙ…පෙ… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ…. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති නවිප්පයුත්තපච්චයා – අරූපෙ…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… නොනත්ථිපච්චයා, නොවිගතපච්චයා.