1. විභඞ්ගවාරො

හෙතුපච්චයො

1. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති හෙතුපච්චයා – අජ්ඣත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ අජ්ඣත්තං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා. එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති හෙතුපච්චයා – බහිද්ධා එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ බහිද්ධා එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා. එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)

ආරම්මණපච්චයො

2. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති ආරම්මණපච්චයා – අජ්ඣත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ පටිච්ච…පෙ… පටිසන්ධික්ඛණෙ අජ්ඣත්තං එකං ඛන්ධං පටිච්ච තයො ඛන්ධා…පෙ… වත්ථුං පටිච්ච ඛන්ධා. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති ආරම්මණපච්චයා – බහිද්ධා එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

අධිපතිපච්චයො

3. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති අධිපතිපච්චයා – අජ්ඣත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති අධිපතිපච්චයා – බහිද්ධා එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

අනන්තරපච්චයාදි

4. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති අනන්තරපච්චයා, සමනන්තරපච්චයා, සහජාතපච්චයා – අජ්ඣත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ අජ්ඣත්තං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා. එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං. (1)

බහිද්ධා ධම්මං පටිච්ච බහිද්ධා ධම්මො උප්පජ්ජති සහජාතපච්චයා – බහිද්ධා එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ බහිද්ධා එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා. එකං මහාභූතං පටිච්ච…පෙ… මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං පටිච්ච…පෙ… මහාභූතෙ පටිච්ච කටත්තාරූපං උපාදාරූපං. (1)

අඤ්ඤමඤ්ඤපච්චයාදි

5. අජ්ඣත්තං ධම්මං පටිච්ච අජ්ඣත්තො ධම්මො උප්පජ්ජති අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා (පුරෙජාතෙපි ආසෙවනෙපි පටිසන්ධි නත්ථි)… කම්මපච්චයා… විපාකපච්චයා… ආහාරපච්චයා… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.