2. සඞ්ඛ්‍යාවාරො
19. හෙතුයා එකං, ආරම්මණෙ තීණි, අධිපතියා තීණි, සහජාතෙ එකං, අඤ්ඤමඤ්ඤෙ එකං, නිස්සයෙ එකං, උපනිස්සයෙ තීණි, පුරෙජාතෙ එකං, පච්ඡාජාතෙ කම්මෙ විපාකෙ ආහාරෙ ඉන්ද්‍රියෙ ඣානෙ මග්ගෙ සම්පයුත්තෙ විප්පයුත්තෙ අත්ථියා අවිගතෙ එකං (එවං ගණෙතබ්බං).
අනුලොමං.
පච්චනීයුද්ධාරො
20. උප්පන්නො ධම්මො උප්පන්නස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො. (1)
අනුප්පන්නො ධම්මො උප්පන්නස්ස ධම්මස්ස ආරම්මණපච්චයෙන පච්චයො, උපනිස්සයපච්චයෙන පච්චයො. (1)
උප්පාදී ධම්මො උප්පන්නස්ස ධම්මස්ස ආරම්මණපච්චයෙන පච්චයො… උපනිස්සයපච්චයෙන පච්චයො. (1)