1. විභඞ්ගවාරො

නහෙතුපච්චයො

4. පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති නහෙතුපච්චයා – අහෙතුකං පරිත්තාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. අහෙතුකපටිසන්ධික්ඛණෙ පරිත්තාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

මහග්ගතාරම්මණං ධම්මං පටිච්ච මහග්ගතාරම්මණො ධම්මො උප්පජ්ජති නහෙතුපච්චයා – අහෙතුකං මහග්ගතාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)

අප්පමාණාරම්මණං ධම්මං පටිච්ච අප්පමාණාරම්මණො ධම්මො උප්පජ්ජති නහෙතුපච්චයා – අහෙතුකං අප්පමාණාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. (1)

නඅධිපතිපච්චයො

5. පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති නඅධිපතිපච්චයා – පරිත්තාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. පටිසන්ධික්ඛණෙ…පෙ…. (1)

මහග්ගතාරම්මණං ධම්මං පටිච්ච මහග්ගතාරම්මණො ධම්මො උප්පජ්ජති නඅධිපතිපච්චයා – මහග්ගතාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. පටිසන්ධික්ඛණෙ…පෙ…. (1)

අප්පමාණාරම්මණං ධම්මං පටිච්ච අප්පමාණාරම්මණො ධම්මො උප්පජ්ජති නඅධිපතිපච්චයා – අප්පමාණාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. (1)

නපුරෙජාතපච්චයාදි

6. පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති නපුරෙජාතපච්චයා – අරූපෙ පරිත්තාරම්මණං එකං ඛන්ධං පටිච්ච තයො ඛන්ධා…පෙ… පටිසන්ධික්ඛණෙ…පෙ…. (1)

මහග්ගතාරම්මණං ධම්මං පටිච්ච මහග්ගතාරම්මණො ධම්මො උප්පජ්ජති නපුරෙජාතපච්චයා – අරූපෙ මහග්ගතාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා (මහග්ගතාරම්මණෙ පටිසන්ධි නත්ථි). (1)

අප්පමාණාරම්මණං ධම්මං පටිච්ච අප්පමාණාරම්මණො ධම්මො උප්පජ්ජති නපුරෙජාතපච්චයා – අරූපෙ අප්පමාණාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා (නපච්ඡාජාතපච්චයඤ්ච නආසෙවනපච්චයඤ්ච නඅධිපතිසදිසං).

නකම්මපච්චයො

7. පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති නකම්මපච්චයා – පරිත්තාරම්මණෙ ඛන්ධෙ පටිච්ච පරිත්තාරම්මණා චෙතනා. (1)

මහග්ගතාරම්මණං ධම්මං පටිච්ච මහග්ගතාරම්මණො ධම්මො උප්පජ්ජති නකම්මපච්චයා – මහග්ගතාරම්මණෙ ඛන්ධෙ පටිච්ච මහග්ගතාරම්මණා චෙතනා. (1)

අප්පමාණාරම්මණං ධම්මං පටිච්ච අප්පමාණාරම්මණො ධම්මො උප්පජ්ජති නකම්මපච්චයා – අප්පමාණාරම්මණෙ ඛන්ධෙ පටිච්ච අප්පමාණාරම්මණා චෙතනා. (1)

නවිපාකපච්චයාදි

8. පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති නවිපාකපච්චයා (පටිසන්ධි නත්ථි)… නඣානපච්චයා – පඤ්චවිඤ්ඤාණසහගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා…නමග්ගපච්චයා – අහෙතුකං පරිත්තාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා; අහෙතුකපටිසන්ධික්ඛණෙ…පෙ… ද්වෙ ඛන්ධා…පෙ….

මහග්ගතාරම්මණං ධම්මං පටිච්ච මහග්ගතාරම්මණො ධම්මො උප්පජ්ජති නමග්ගපච්චයා – අහෙතුකං මහග්ගතාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. (1)

අප්පමාණාරම්මණං ධම්මං පටිච්ච අප්පමාණාරම්මණො ධම්මො උප්පජ්ජති නමග්ගපච්චයා – අහෙතුකං අප්පමාණාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. (1)

නවිප්පයුත්තපච්චයො

9. පරිත්තාරම්මණං ධම්මං පටිච්ච පරිත්තාරම්මණො ධම්මො උප්පජ්ජති නවිප්පයුත්තපච්චයා – අරූපෙ පරිත්තාරම්මණං එකං ඛන්ධං පටිච්ච තයො ඛන්ධා…පෙ…. (1)

මහග්ගතාරම්මණං ධම්මං පටිච්ච මහග්ගතාරම්මණො ධම්මො උප්පජ්ජති නවිප්පයුත්තපච්චයා – අරූපෙ මහග්ගතාරම්මණං එකං ඛන්ධං පටිච්ච තයො ඛන්ධා…පෙ…. (1)

අප්පමාණාරම්මණං ධම්මං පටිච්ච අප්පමාණාරම්මණො ධම්මො උප්පජ්ජති නවිප්පයුත්තපච්චයා – අරූපෙ අප්පමාණාරම්මණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධා. (1)