1. විභඞ්ගවාරො

හෙතුපච්චයො

1. පරිත්තං ධම්මං පටිච්ච පරිත්තො ධම්මො උප්පජ්ජති හෙතුපච්චයා – පරිත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ පරිත්තං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච චිත්තසමුට්ඨානං රූපං…පෙ…. (1)

පරිත්තං ධම්මං පටිච්ච මහග්ගතො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා. (2)

පරිත්තං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා, මහාභූතෙ පටිච්ච කටත්තාරූපං. (3)

2. මහග්ගතං ධම්මං පටිච්ච මහග්ගතො ධම්මො උප්පජ්ජති හෙතුපච්චයා – මහග්ගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

මහග්ගතං ධම්මං පටිච්ච පරිත්තො ධම්මො උප්පජ්ජති හෙතුපච්චයා – මහග්ගතෙ ඛන්ධෙ පටිච්ච චිත්තසමුට්ඨානං රූපං. පටිසන්ධික්ඛණෙ මහග්ගතෙ ඛන්ධෙ පටිච්ච කටත්තාරූපං. (2)

මහග්ගතං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති හෙතුපච්චයා – මහග්ගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… පටිසන්ධික්ඛණෙ මහග්ගතං එකං ඛන්ධං පටිච්ච තයො ඛන්ධා කටත්තා ච රූපං…පෙ… ද්වෙ ඛන්ධෙ…පෙ…. (3)

3. අප්පමාණං ධම්මං පටිච්ච අප්පමාණො ධම්මො උප්පජ්ජති හෙතුපච්චයා – අප්පමාණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අප්පමාණං ධම්මං පටිච්ච පරිත්තො ධම්මො උප්පජ්ජති හෙතුපච්චයා – අප්පමාණෙ ඛන්ධෙ පටිච්ච චිත්තසමුට්ඨානං රූපං. (2)

අප්පමාණං ධම්මං පටිච්ච පරිත්තො ච අප්පමාණො ච ධම්මා උප්පජ්ජන්ති හෙතුපච්චයා – අප්පමාණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

4. පරිත්තඤ්ච අප්පමාණඤ්ච ධම්මං පටිච්ච පරිත්තො ධම්මො උප්පජ්ජති හෙතුපච්චයා – අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො උප්පජ්ජති හෙතුපච්චයා – මහග්ගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. පටිසන්ධික්ඛණෙ…පෙ…. (1)

පරිත්තඤ්ච මහග්ගතඤ්ච ධම්මං පටිච්ච මහග්ගතො ධම්මො උප්පජ්ජති හෙතුපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (2)

පරිත්තඤ්ච මහග්ගතඤ්ච ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති හෙතුපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ… මහග්ගතෙ ඛන්ධෙ ච මහාභූතෙ ච පටිච්ච කටත්තාරූපං. (3)

ආරම්මණපච්චයො

5. පරිත්තං ධම්මං පටිච්ච පරිත්තො ධම්මො උප්පජ්ජති ආරම්මණපච්චයා – පරිත්තං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… වත්ථුං පටිච්ච ඛන්ධා. (1)

පරිත්තං ධම්මං පටිච්ච මහග්ගතො ධම්මො උප්පජ්ජති ආරම්මණපච්චයා – පටිසන්ධික්ඛණෙ වත්ථුං පටිච්ච මහග්ගතා ඛන්ධා. (2)

මහග්ගතං ධම්මං පටිච්ච මහග්ගතො ධම්මො උප්පජ්ජති ආරම්මණපච්චයා – මහග්ගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

අප්පමාණං ධම්මං පටිච්ච අප්පමාණො ධම්මො උප්පජ්ජති ආරම්මණපච්චයා – අප්පමාණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

පරිත්තඤ්ච මහග්ගතඤ්ච ධම්මං පටිච්ච මහග්ගතො ධම්මො උප්පජ්ජති ආරම්මණපච්චයා – පටිසන්ධික්ඛණෙ මහග්ගතං එකං ඛන්ධඤ්ච වත්ථුඤ්ච පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අධිපතිපච්චයො

6. පරිත්තං ධම්මං පටිච්ච පරිත්තො ධම්මො උප්පජ්ජති අධිපතිපච්චයා – පරිත්තං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං, ද්වෙ ඛන්ධෙ…පෙ… එකං මහාභූතං පටිච්ච තයො මහාභූතා…පෙ… මහාභූතෙ පටිච්ච චිත්තසමුට්ඨානං රූපං උපාදාරූපං. (1)

මහග්ගතං ධම්මං පටිච්ච මහග්ගතො ධම්මො උප්පජ්ජති අධිපතිපච්චයා – මහග්ගතං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

මහග්ගතං ධම්මං පටිච්ච පරිත්තො ධම්මො උප්පජ්ජති අධිපතිපච්චයා – මහග්ගතෙ ඛන්ධෙ පටිච්ච චිත්තසමුට්ඨානං රූපං. (2)

මහග්ගතං ධම්මං පටිච්ච පරිත්තො ච මහග්ගතො ච ධම්මා උප්පජ්ජන්ති අධිපතිපච්චයා – මහග්ගතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

අප්පමාණං ධම්මං පටිච්ච අප්පමාණො ධම්මො උප්පජ්ජති අධිපතිපච්චයා – අප්පමාණං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)

අප්පමාණං ධම්මං පටිච්ච පරිත්තො ධම්මො උප්පජ්ජති අධිපතිපච්චයා – අප්පමාණෙ ඛන්ධෙ පටිච්ච චිත්තසමුට්ඨානං රූපං. (2)

අප්පමාණං ධම්මං පටිච්ච පරිත්තො ච අප්පමාණො ච ධම්මා උප්පජ්ජන්ති අධිපතිපච්චයා – අප්පමාණං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)

7. පරිත්තඤ්ච අප්පමාණඤ්ච ධම්මං පටිච්ච පරිත්තො ධම්මො උප්පජ්ජති අධිපතිපච්චයා – අප්පමාණෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

පරිත්තඤ්ච මහග්ගතඤ්ච ධම්මං පටිච්ච පරිත්තො ධම්මො උප්පජ්ජති අධිපතිපච්චයා – මහග්ගතෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)

අනන්තරපච්චයාදි

8. පරිත්තං ධම්මං පටිච්ච පරිත්තො ධම්මො උප්පජ්ජති අනන්තරපච්චයා… සමනන්තරපච්චයා… සහජාතපච්චයා (සබ්බෙපි මහාභූතා කාතබ්බා)… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා … පුරෙජාතපච්චයා (තිස්සො පඤ්හා කාතබ්බා)… ආසෙවනපච්චයා (තිස්සො පඤ්හා කාතබ්බා)… කම්මපච්චයා… විපාකපච්චයා (තෙරස පඤ්හා)… ආහාරපච්චයා… ඉන්ද්‍රියපච්චයා… ඣානපච්චයා… මග්ගපච්චයා,… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.

1. පච්චයානුලොමං

2. සඞ්ඛ්‍යාවාරො

9. හෙතුයා තෙරස, ආරම්මණෙ පඤ්ච, අධිපතියා නව, අනන්තරෙ පඤ්ච, සමනන්තරෙ පඤ්ච, සහජාතෙ තෙරස, අඤ්ඤමඤ්ඤෙ සත්ත, නිස්සයෙ තෙරස, උපනිස්සයෙ පඤ්ච, පුරෙජාතෙ තීණි, ආසෙවනෙ තීණි, කම්මෙ තෙරස, විපාකෙ තෙරස, ආහාරෙ ඉන්ද්‍රියෙ ඣානෙ මග්ගෙ තෙරස, සම්පයුත්තෙ පඤ්ච, විප්පයුත්තෙ තෙරස, අත්ථියා තෙරස, නත්ථියා පඤ්ච, විගතෙ පඤ්ච, අවිගතෙ තෙරස.

අනුලොමං.