11. සෙක්ඛත්තිකං
1. පටිච්චවාරො
1. පච්චයානුලොමං
1. විභඞ්ගවාරො
හෙතුපච්චයො
1. සෙක්ඛං ධම්මං පටිච්ච සෙක්ඛො ධම්මො උප්පජ්ජති හෙතුපච්චයා – සෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)
සෙක්ඛං ධම්මං පටිච්ච නෙවසෙක්ඛනාසෙක්ඛො [නෙවසෙඛානාසෙඛො (සී.), නෙවසෙක්ඛානාසෙක්ඛො (ස්‍යා. ක.)] ධම්මො උප්පජ්ජති හෙතුපච්චයා – සෙක්ඛෙ ඛන්ධෙ පටිච්ච චිත්තසමුට්ඨානං රූපං. (2)
සෙක්ඛං ධම්මං පටිච්ච සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා – සෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)
2. අසෙක්ඛං ධම්මං පටිච්ච අසෙක්ඛො ධම්මො උප්පජ්ජති හෙතුපච්චයා – අසෙක්ඛං එකං ඛන්ධං පටිච්ච තයො ඛන්ධා…පෙ…. (1)
අසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – අසෙක්ඛෙ ඛන්ධෙ පටිච්ච චිත්තසමුට්ඨානං රූපං. (2)
අසෙක්ඛං ධම්මං පටිච්ච අසෙක්ඛො ච නෙවසෙක්ඛනාසෙක්ඛො ච ධම්මා…පෙ… අසෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)
3. නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ …පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං පටිච්ච තයො මහාභූතා…පෙ… ද්වෙ මහාභූතෙ පටිච්ච ද්වෙ මහාභූතා, මහාභූතෙ පටිච්ච චිත්තසමුට්ඨානං රූපං කටත්තාරූපං උපාදාරූපං. (1)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – සෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)
අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – අසෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)
ආරම්මණපච්චයාදි
4. සෙක්ඛං ධම්මං පටිච්ච සෙක්ඛො ධම්මො උප්පජ්ජති ආරම්මණපච්චයා… අධිපතිපච්චයා (පටිසන්ධි නත්ථි)… අනන්තරපච්චයා… සමනන්තරපච්චයා… සහජාතපච්චයා (සබ්බෙ මහාභූතා කාතබ්බා)… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා – සෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ….
නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති ආසෙවනපච්චයා – නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ …පෙ… කම්මපච්චයා, විපාකපච්චයා – විපාකං සෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ… (තීණි, පරිපුණ්ණං).
අසෙක්ඛං ධම්මං පටිච්ච අසෙක්ඛො ධම්මො උප්පජ්ජති විපාකපච්චයා – අසෙක්ඛං එකං ඛන්ධං පටිච්ච… තීණි.
නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති විපාකපච්චයා – විපාකං නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ…. (1)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති විපාකපච්චයා – විපාකෙ සෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)
අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති විපාකපච්චයා – අසෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)
ආහාරපච්චයාදි
5. සෙක්ඛං ධම්මං පටිච්ච සෙක්ඛො ධම්මො උප්පජ්ජති ආහාරපච්චයා… ඉන්ද්‍රියපච්චයා… ඣානපච්චයා… මග්ගපච්චය… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.
1. පච්චයානුලොමං
2. සඞ්ඛ්‍යාවාරො
සුද්ධං
6. හෙතුයා නව, ආරම්මණෙ තීණි, අධිපතියා නව, අනන්තරෙ තීණි, සමනන්තරෙ තීණි, සහජාතෙ නව, අඤ්ඤමඤ්ඤෙ තීණි, නිස්සයෙ නව, උපනිස්සයෙ තීණි, පුරෙජාතෙ තීණි, ආසෙවනෙ ද්වෙ, කම්මෙ නව, විපාකෙ ආහාරෙ ඉන්ද්‍රියෙ ඣානෙ මග්ගෙ නව, සම්පයුත්තෙ තීණි, විප්පයුත්තෙ නව, අත්ථියා නව, නත්ථියා තීණි, විගතෙ තීණි, අවිගතෙ නව (එවං ගණෙතබ්බං).
අනුලොමං.
2. පච්චයපච්චනීයං
1. විභඞ්ගවාරො
නහෙතුපච්චයො
7. නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නහෙතුපච්චයා – අහෙතුකං නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ… ඛන්ධෙ පටිච්ච වත්ථු, වත්ථුං පටිච්ච ඛන්ධා, එකං මහාභූතං…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං එකං මහාභූතං…පෙ… විචිකිච්ඡාසහගතෙ උද්ධච්චසහගතෙ ඛන්ධෙ පටිච්ච විචිකිච්ඡාසහගතො උද්ධච්චසහගතො මොහො. (1)
නආරම්මණපච්චයො
8. සෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – සෙක්ඛෙ ඛන්ධෙ පටිච්ච චිත්තසමුට්ඨානං රූපං. (1)
අසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – අසෙක්ඛෙ ඛන්ධෙ පටිච්ච චිත්තසමුට්ඨානං රූපං. (1)
නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – නෙවසෙක්ඛනාසෙක්ඛෙ ඛන්ධෙ පටිච්ච චිත්තසමුට්ඨානං රූපං…පෙ… පටිසන්ධික්ඛණෙ…පෙ… ඛන්ධෙ පටිච්ච වත්ථු…පෙ… එකං මහාභූතං…පෙ… අසඤ්ඤසත්තානං…පෙ…. (1)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – සෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)
අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා – අසෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)
නඅධිපතිපච්චයාදි
9. සෙක්ඛං ධම්මං පටිච්ච සෙක්ඛො ධම්මො උප්පජ්ජති නඅධිපතිපච්චයා – සෙක්ඛෙ ඛන්ධෙ පටිච්ච සෙක්ඛො අධිපති. (1)
අසෙක්ඛං ධම්මං පටිච්ච අසෙක්ඛො ධම්මො උප්පජ්ජති නඅධිපතිපච්චයා – අසෙක්ඛෙ ඛන්ධෙ පටිච්ච අසෙක්ඛො අධිපති. (1)
නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නඅධිපතිපච්චයා… (පරිපුණ්ණං, පටිසන්ධිපි මහාභූතාපි සබ්බෙ) නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා… සත්ත (කුසලත්තිකසදිසා)… නපච්ඡාජාතපච්චයා…පෙ… නආසෙවනපච්චයා. විපාකං සෙක්ඛං එකං ඛන්ධං පටිච්ච තයො ඛන්ධා…පෙ… ද්වෙ ඛන්ධෙ…පෙ…. (1)
10. සෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආසෙවනපච්චයා – සෙක්ඛෙ ඛන්ධෙ පටිච්ච චිත්තසමුට්ඨානං රූපං. (2)
සෙක්ඛං ධම්මං පටිච්ච සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති නආසෙවනපච්චයා – විපාකං සෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ…. (3)
අසෙක්ඛං ධම්මං පටිච්ච අසෙක්ඛො ධම්මො… තීණි.
නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආසෙවනපච්චයා… නෙවසෙක්ඛනාසෙක්ඛං (එකං, පරිපුණ්ණං, සෙක්ඛඤ්ච, නෙවසෙක්ඛනාසෙක්ඛඤ්ච, ඝටනා පරිපුණ්ණා, ද්වෙපි කාතබ්බා. නව) නකම්මපච්චයා – සෙක්ඛෙ ඛන්ධෙ පටිච්ච සෙක්ඛා චෙතනා.
නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නකම්මපච්චයා – නෙවසෙක්ඛනාසෙක්ඛෙ ඛන්ධෙ පටිච්ච නෙවසෙක්ඛනාසෙක්ඛා චෙතනා; බාහිරං… ආහාරසමුට්ඨානං… උතුසමුට්ඨානං… එකං මහාභූතං…පෙ….
නවිපාකපච්චයො
11. සෙක්ඛං ධම්මං පටිච්ච සෙක්ඛො ධම්මො උප්පජ්ජති නවිපාකපච්චයා – සෙක්ඛං එකං ඛන්ධං පටිච්ච තයො ඛන්ධා…පෙ…. (1)
සෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නවිපාකපච්චයා – සෙක්ඛෙ ඛන්ධෙ පටිච්ච චිත්තසමුට්ඨානං රූපං.(2)
සෙක්ඛං ධම්මං පටිච්ච සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති නවිපාකපච්චයා – සෙක්ඛං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ…. (3)
12. නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නවිපාකපච්චයා (පරිපුණ්ණං, පටිසන්ධි නත්ථි ).
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නවිපාකපච්චයා – සෙක්ඛෙ ඛන්ධෙ ච මහාභූතෙ ච පටිච්ච චිත්තසමුට්ඨානං රූපං. (1)
නආහාරපච්චයාදි
13. නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නආහාරපච්චයා… නඉන්ද්‍රියපච්චයා… නඣානපච්චයා… නමග්ගපච්චයා.
නසම්පයුත්තපච්චයො
14. සෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නසම්පයුත්තපච්චයා…පෙ… (නආරම්මණපච්චයසදිසං).
නවිප්පයුත්තපච්චයාදි
සෙක්ඛං ධම්මං පටිච්ච සෙක්ඛො ධම්මො උප්පජ්ජති නවිප්පයුත්තපච්චයා. අරූපෙ සෙක්ඛං එකං ඛන්ධං පටිච්ච තයො ඛන්ධා…පෙ…. (1)
අසෙක්ඛං ධම්මං පටිච්ච අසෙක්ඛො ධම්මො උප්පජ්ජති නවිප්පයුත්තපච්චයා – අරූපෙ අසෙක්ඛං එකං ඛන්ධං පටිච්ච තයො ඛන්ධා…පෙ…. (1)
නෙවසෙක්ඛනාසෙක්ඛං ධම්මං පටිච්ච නෙවසෙක්ඛනාසෙක්ඛො ධම්මො උප්පජ්ජති නවිප්පයුත්තපච්චයා – අරූපෙ නෙවසෙක්ඛනාසෙක්ඛං එකං ඛන්ධං පටිච්ච තයො ඛන්ධා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… නොනත්ථිපච්චයා… නොවිගතපච්චයා.
2. පච්චයපච්චනීයං
2. සඞ්ඛ්‍යාවාරො
සුද්ධං
15. නහෙතුයා එකං, නආරම්මණෙ පඤ්ච, නඅධිපතියා තීණි, නඅනන්තරෙ නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ නව, නආසෙවනෙ නව, නකම්මෙ ද්වෙ, නවිපාකෙ පඤ්ච, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).
පච්චනීයං.
3. පච්චයානුලොමපච්චනීයං
හෙතුදුකං
16. හෙතුපච්චයා නආරම්මණෙ පඤ්ච, නඅධිපතියා තීණි, නඅනන්තරෙ නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ නආසෙවනෙ නව, නකම්මෙ ද්වෙ, නවිපාකෙ පඤ්ච, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).
අනුලොමපච්චනීයං.
4. පච්චයපච්චනීයානුලොමං
නහෙතුදුකං
17. නහෙතුපච්චයා ආරම්මණෙ එකං, අනන්තරෙ සමනන්තරෙ සහජාතෙ අඤ්ඤමඤ්ඤෙ නිස්සයෙ උපනිස්සයෙ පුරෙජාතෙ ආසෙවනෙ කම්මෙ විපාකෙ ආහාරෙ ඉන්ද්‍රියෙ ඣානෙ මග්ගෙ සම්පයුත්තෙ විප්පයුත්තෙ අත්ථියා නත්ථියා විගතෙ අවිගතෙ එකං (එවං ගණෙතබ්බං).
පච්චනීයානුලොමං.
පටිච්චවාරො.
2. සහජාතවාරො
(සහජාතවාරො පටිච්චවාරසදිසො.)
3. පච්චයවාරො
1. පච්චයානුලොමං
1. විභඞ්ගවාරො
හෙතුපච්චයො
18. සෙක්ඛං ධම්මං පච්චයා සෙක්ඛො ධම්මො උප්පජ්ජති හෙතුපච්චයා… තීණි (පටිච්චවාරසදිසං).
අසෙක්ඛං ධම්මං පච්චයා අසෙක්ඛො ධම්මො උප්පජ්ජති හෙතුපච්චයා… තීණි (පටිච්චවාරසදිසං).
19. නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා (පරිපුණ්ණං), මහාභූතෙ පච්චයා චිත්තසමුට්ඨානං රූපං කටත්තාරූපං උපාදාරූපං, වත්ථුං පච්චයා නෙවසෙක්ඛනාසෙක්ඛා ඛන්ධා. (1)
නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති හෙතුපච්චයා – වත්ථුං පච්චයා සෙක්ඛා ඛන්ධා. (2)
නෙවසෙක්ඛනාසෙක්ඛං ධම්මං පච්චයා අසෙක්ඛො ධම්මො උප්පජ්ජති හෙතුපච්චයා – වත්ථුං පච්චයා අසෙක්ඛා ඛන්ධා. (3)
නෙවසෙක්ඛනාසෙක්ඛං ධම්මං පච්චයා සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා – වත්ථුං පච්චයා සෙක්ඛා ඛන්ධා, මහාභූතෙ පච්චයා චිත්තසමුට්ඨානං රූපං. (4)
නෙවසෙක්ඛනාසෙක්ඛං ධම්මං පච්චයා අසෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා – වත්ථුං පච්චයා අසෙක්ඛා ඛන්ධා, මහාභූතෙ පච්චයා චිත්තසමුට්ඨානං රූපං. (5)
20. සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති හෙතුපච්චයා – සෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. (1)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති හෙතුපච්චයා – සෙක්ඛෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (2)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ච නෙවසෙක්ඛනාසෙක්ඛො ච ධම්මා උප්පජ්ජන්ති හෙතුපච්චයා – සෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. සෙක්ඛෙ ඛන්ධෙ ච මහාභූතෙ ච පච්චයා චිත්තසමුට්ඨානං රූපං. (3)
අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා… තීණි (සෙක්ඛසදිසා).
ආරම්මණපච්චයො
21. සෙක්ඛං ධම්මං පච්චයා සෙක්ඛො ධම්මො උප්පජ්ජති ආරම්මණපච්චයා… එකං.
අසෙක්ඛං ධම්මං පච්චයා අසෙක්ඛො ධම්මො… එකං.
නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති ආරම්මණපච්චයා… එකං, වත්ථුං පච්චයා නෙවසෙක්ඛනාසෙක්ඛා ඛන්ධා, චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා නෙවසෙක්ඛනාසෙක්ඛා ඛන්ධා. (1)
නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති ආරම්මණපච්චයා – වත්ථුං පච්චයා සෙක්ඛා ඛන්ධා. (2)
නෙවසෙක්ඛනාසෙක්ඛං ධම්මං පච්චයා අසෙක්ඛො ධම්මො උප්පජ්ජති ආරම්මණපච්චයා – වත්ථුං පච්චයා අසෙක්ඛා ඛන්ධා. (3)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති ආරම්මණපච්චයා – සෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. (1)
අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා අසෙක්ඛො ධම්මො උප්පජ්ජති ආරම්මණපච්චයා – අසෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. (1)
අධිපතිපච්චයාදි
22. සෙක්ඛං ධම්මං පච්චයා සෙක්ඛො ධම්මො උප්පජ්ජති අධිපතිපච්චයා… අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චය… නිස්සයපච්චයා … උපනිස්සයපච්චයා… පුරෙජාතපච්චයා… ආසෙවනපච්චයා – සෙක්ඛං එකං ඛන්ධං පච්චයා තයො ඛන්ධා…පෙ…
නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති ආසෙවනපච්චයා – නෙවසෙක්ඛනාසෙක්ඛං එකං ඛන්ධං පච්චයා…පෙ… වත්ථුං පච්චයා නෙවසෙක්ඛනාසෙක්ඛා ඛන්ධා. (1)
නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති ආසෙවනපච්චයා – වත්ථුං පච්චයා සෙක්ඛා ඛන්ධා. (2)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති ආසෙවනපච්චයා – සෙක්ඛං එකං ඛන්ධඤ්ච වත්ථුඤ්ච පච්චයා තයො ඛන්ධා…පෙ… ද්වෙ ඛන්ධා. (1)
කම්මපච්චයාදි
23. සෙක්ඛං ධම්මං පච්චයා සෙක්ඛො ධම්මො උප්පජ්ජති කම්මපච්චයා… විපාකපච්චයා – විපාකං සෙක්ඛං එකං ඛන්ධං…පෙ… ආහාරපච්චයා… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.
1. පච්චයානුලොමං
2. සඞ්ඛ්‍යාවාරො
සුද්ධං
24. හෙතුයා සත්තරස, ආරම්මණෙ සත්ත, අධිපතියා සත්තරස, අනන්තරෙ සත්ත, සමනන්තරෙ සත්ත, සහජාතෙ සත්තරස, අඤ්ඤමඤ්ඤෙ සත්ත, නිස්සයෙ සත්තරස, උපනිස්සයෙ සත්ත, පුරෙජාතෙ සත්ත, ආසෙවනෙ චත්තාරි, කම්මෙ සත්තරස, විපාකෙ සත්තරස, ආහාරෙ සත්තරස, ඉන්ද්‍රියෙ ඣානෙ මග්ගෙ සත්තරස, සම්පයුත්තෙ සත්ත, විප්පයුත්තෙ සත්තරස, අත්ථියා සත්තරස, නත්ථියා සත්ත, විගතෙ සත්ත, අවිගතෙ සත්තරස (එවං ගණෙතබ්බං).
අනුලොමං.
2. පච්චයපච්චනීයං
1. විභඞ්ගවාරො
නහෙතුපච්චයො
25. නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නහෙතුපච්චයා – අහෙතුකං නෙවසෙක්ඛනාසෙක්ඛං එකං ඛන්ධං පච්චයා තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධා. අහෙතුකපටිසන්ධික්ඛණෙ…පෙ… ඛන්ධෙ පච්චයා වත්ථු, වත්ථුං පච්චයා ඛන්ධා, එකං මහාභූතං පච්චයා…පෙ… බාහිරං… ආහාරසමුට්ඨානං… උතුසමුට්ඨානං… අසඤ්ඤසත්තානං…පෙ… චක්ඛායතනං පච්චයා චක්ඛුවිඤ්ඤාණං…පෙ… කායායතනං පච්චයා කායවිඤ්ඤාණං, වත්ථුං පච්චයා අහෙතුකා නෙවසෙක්ඛනාසෙක්ඛා ඛන්ධා, විචිකිච්ඡාසහගතෙ උද්ධච්චසහගතෙ ඛන්ධෙ ච වත්ථුඤ්ච පච්චයා විචිකිච්ඡාසහගතො උද්ධච්චසහගතො මොහො. (1)
නආරම්මණපච්චයාදි
26. සෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නආරම්මණපච්චයා…පෙ…. (1)
සෙක්ඛං ධම්මං පච්චයා සෙක්ඛො ධම්මො උප්පජ්ජති නඅධිපතිපච්චයා – සෙක්ඛෙ ඛන්ධෙ පච්චයා සෙක්ඛො අධිපති. (1)
අසෙක්ඛං ධම්මං පච්චයා අසෙක්ඛො ධම්මො උප්පජ්ජති නඅධිපතිපච්චයා – අසෙක්ඛෙ ඛන්ධෙ පච්චයා අසෙක්ඛො අධිපති. (1)
නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නඅධිපතිපච්චයා (පරිපුණ්ණං) අසඤ්ඤසත්තානං…පෙ… චක්ඛායතනං…පෙ… වත්ථුං පච්චයා නෙවසෙක්ඛනාසෙක්ඛා ඛන්ධා. (1)
නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති නඅධිපතිපච්චයා – වත්ථුං පච්චයා සෙක්ඛො අධිපති. (2)
නෙවසෙක්ඛනාසෙක්ඛං ධම්මං පච්චයා අසෙක්ඛො ධම්මො උප්පජ්ජති නඅධිපතිපච්චයා – වත්ථුං පච්චයා අසෙක්ඛො අධිපති. (3)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති නඅධිපතිපච්චයා – සෙක්ඛෙ ඛන්ධෙ ච වත්ථුඤ්ච පච්චයා සෙක්ඛො අධිපති. (1)
අසෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා අසෙක්ඛො ධම්මො උප්පජ්ජති නඅධිපතිපච්චයා – අසෙක්ඛෙ ඛන්ධෙ ච වත්ථුඤ්ච පච්චයා අසෙක්ඛො අධිපති. (1)
නඅනන්තරපච්චයාදි
27. සෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නඅනන්තරපච්චයා… නසමනන්තරපච්චයා… නඅඤ්ඤමඤ්ඤපච්චයා… නඋපනිස්සයපච්චයා… නපුරෙජාතපච්චයා… නපච්ඡාජාතපච්චයා (සත්ත)… නආසෙවනපච්චයා… නකම්මපච්චයා – සෙක්ඛෙ ඛන්ධෙ පච්චයා සෙක්ඛා චෙතනා.
නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නකම්මපච්චයා – නෙවසෙක්ඛනාසෙක්ඛෙ ඛන්ධෙ පච්චයා නෙවසෙක්ඛනාසෙක්ඛා චෙතනා. බාහිරං… ආහාරසමුට්ඨානං… උතුසමුට්ඨානං…පෙ… වත්ථුං පච්චයා නෙවසෙක්ඛනාසෙක්ඛා චෙතනා. (1)
නෙවසෙක්ඛනාසෙක්ඛං ධම්මං පච්චයා සෙක්ඛො ධම්මො උප්පජ්ජති නකම්මපච්චයා – වත්ථුං පච්චයා සෙක්ඛා චෙතනා. (2)
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති නකම්මපච්චයා – සෙක්ඛෙ ඛන්ධෙ ච වත්ථුඤ්ච පච්චයා සෙක්ඛා චෙතනා. (1)
නවිපාකපච්චයො
28. සෙක්ඛං ධම්මං පච්චයා සෙක්ඛො ධම්මො උප්පජ්ජති නවිපාකපච්චයා (සෙක්ඛමූලකෙ තීණි).
නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නවිපාකපච්චයා (නෙවසෙක්ඛනාසෙක්ඛමූලකෙ තීණි).
සෙක්ඛඤ්ච නෙවසෙක්ඛනාසෙක්ඛඤ්ච ධම්මං පච්චයා සෙක්ඛො ධම්මො උප්පජ්ජති නවිපාකපච්චයා (සෙක්ඛඝටනෙසු තීණි).
නආහාරපච්චයාදි
29. නෙවසෙක්ඛනාසෙක්ඛං ධම්මං පච්චයා නෙවසෙක්ඛනාසෙක්ඛො ධම්මො උප්පජ්ජති නආහාරපච්චයා… නඉන්ද්‍රියපච්චයා… නඣානපච්චයා… නමග්ගපච්චයා… නසම්පයුත්තපච්චයා… නවිප්පයුත්තපච්චයා… නොනත්ථිපච්චයා… නොවිගතපච්චයා…පෙ….
2. පච්චයපච්චනීයං
2. සඞ්ඛ්‍යාවාරො
සුද්ධං
30. නහෙතුයා එකං, නආරම්මණෙ පඤ්ච, නඅධිපතියා සත්ත, නඅනන්තරෙ පඤ්ච, නසමනන්තරෙ පඤ්ච, නඅඤ්ඤමඤ්ඤෙ පඤ්ච, නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ සත්තරස, නආසෙවනෙ සත්තරස, නකම්මෙ චත්තාරි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).
පච්චනීයං.
3. පච්චයානුලොමපච්චනීයං
හෙතුදුකං
31. හෙතුපච්චයා නආරම්මණෙ පඤ්ච, නඅධිපතියා සත්ත, නඅනන්තරෙ නසමනන්තරෙ නඅඤ්ඤමඤ්ඤෙ නඋපනිස්සයෙ පඤ්ච, නපුරෙජාතෙ සත්ත, නපච්ඡාජාතෙ සත්තරස, නආසෙවනෙ සත්තරස, නකම්මෙ චත්තාරි, නවිපාකෙ නව, නසම්පයුත්තෙ පඤ්ච, නවිප්පයුත්තෙ තීණි, නොනත්ථියා පඤ්ච, නොවිගතෙ පඤ්ච (එවං ගණෙතබ්බං).
අනුලොමපච්චනීයං.
4. පච්චයපච්චනීයානුලොමං
32. නහෙතුපච්චයා ආරම්මණෙ එකං, අනන්තරෙ සමනන්තරෙ සහජාතෙ අඤ්ඤමඤ්ඤෙ එකං…පෙ… අවිගතෙ එකං (එවං ගණෙතබ්බං).
පච්චනීයානුලොමං.
පච්චයවාරො.