1. විභඞ්ගවාරො

නහෙතුපච්චයො

40. ආචයගාමිං ධම්මං සංසට්ඨො ආචයගාමී ධම්මො උප්පජ්ජති නහෙතුපච්චයා – විචිකිච්ඡාසහගතෙ උද්ධච්චසහගතෙ ඛන්ධෙ සංසට්ඨො විචිකිච්ඡාසහගතො උද්ධච්චසහගතො මොහො. (1)

නෙවාචයගාමිනාපචයගාමිං ධම්මං සංසට්ඨො නෙවාචයගාමිනාපචයගාමී ධම්මො උප්පජ්ජති නහෙතුපච්චයා – අහෙතුකං නෙවාචයගාමිනාපචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… අහෙතුකපටිසන්ධික්ඛණෙ…පෙ…. (1)

නඅධිපතිපච්චයාදි

41. ආචයගාමිං ධම්මං සංසට්ඨො ආචයගාමී ධම්මො උප්පජ්ජති නඅධිපතිපච්චයා… නපුරෙජාතපච්චයා… නපච්ඡාජාතපච්චයා… නආසෙවනපච්චයා… ආචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ….

නෙවාචයගාමිනාපචයගාමිං ධම්මං සංසට්ඨො නෙවාචයගාමිනාපචයගාමී ධම්මො උප්පජ්ජති නආසෙවනපච්චයා – නෙවාචයගාමිනාපචයගාමිං එකං ඛන්ධං සංසට්ඨා…පෙ… පටිසන්ධික්ඛණෙ…පෙ… නකම්මපච්චයා… නවිපාකපච්චයා… නඣානපච්චයා… නමග්ගපච්චයා… නවිප්පයුත්තපච්චයා.