1. විභඞ්ගවාරො

හෙතුපච්චයො

37. ආචයගාමිං ධම්මං සංසට්ඨො ආචයගාමී ධම්මො උප්පජ්ජති හෙතුපච්චයා – ආචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ සංසට්ඨා ද්වෙ ඛන්ධා. (1)

අපචයගාමිං ධම්මං සංසට්ඨො අපචයගාමී ධම්මො උප්පජ්ජති හෙතුපච්චයා – අපචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ…. (1)

නෙවාචයගාමිනාපචයගාමිං ධම්මං සංසට්ඨො නෙවාචයගාමිනාපචයගාමී ධම්මො උප්පජ්ජති හෙතුපච්චයා – නෙවාචයගාමිනාපචයගාමිං එකං ඛන්ධං සංසට්ඨා තයො ඛන්ධා…පෙ… ද්වෙ ඛන්ධෙ…පෙ… පටිසන්ධික්ඛණෙ…පෙ…. (1)

ආරම්මණපච්චයාදි

38. ආචයගාමිං ධම්මං සංසට්ඨො ආචයගාමී ධම්මො උප්පජ්ජති ආරම්මණපච්චයා… අධිපතිපච්චයා… අනන්තරපච්චයා… සමනන්තරපච්චයා… සහජාතපච්චයා… අඤ්ඤමඤ්ඤපච්චයා… නිස්සයපච්චයා… උපනිස්සයපච්චයා… පුරෙජාතපච්චයා… ආසෙවනපච්චයා… කම්මපච්චයා… විපාකපච්චයා… ආහාරපච්චයා… ඉන්ද්‍රියපච්චයා… ඣානපච්චයා… මග්ගපච්චයා… සම්පයුත්තපච්චයා… විප්පයුත්තපච්චයා… අත්ථිපච්චයා… නත්ථිපච්චයා… විගතපච්චයා… අවිගතපච්චයා.