1. වාදයුත්ති

282. සබ්බමත්ථීති? ආමන්තා. සබ්බත්ථ සබ්බමත්ථීති? න හෙවං වත්තබ්බෙ. සබ්බමත්ථීති? ආමන්තා. සබ්බදා සබ්බමත්ථීති? න හෙවං වත්තබ්බෙ. සබ්බමත්ථීති? ආමන්තා. සබ්බෙන සබ්බං සබ්බමත්ථීති? න හෙවං වත්තබ්බෙ. සබ්බමත්ථීති? ආමන්තා. සබ්බෙසු සබ්බමත්ථීති? න හෙවං වත්තබ්බෙ. සබ්බමත්ථීති? ආමන්තා. අයොගන්ති කත්වා සබ්බමත්ථීති? න හෙවං වත්තබ්බෙ. සබ්බමත්ථීති? ආමන්තා. යම්පි නත්ථි, තම්පත්ථීති? න හෙවං වත්තබ්බෙ. සබ්බමත්ථීති? ආමන්තා. සබ්බමත්ථීති යා දිට්ඨි සා දිට්ඨි මිච්ඡාදිට්ඨීති, යා දිට්ඨි සා දිට්ඨි සම්මාදිට්ඨීති, හෙවමත්ථීති? න හෙවං වත්තබ්බෙ. (සංඛිත්තං). වාදයුත්ති.