(190) 5. තථතාකථා

841. සබ්බධම්මානං තථතා අසඞ්ඛතාති? ආමන්තා. නිබ්බානං…පෙ… අමතන්ති? න හෙවං වත්තබ්බෙ…පෙ… සබ්බධම්මානං තථතා අසඞ්ඛතා, නිබ්බානං අසඞ්ඛතන්ති? ආමන්තා. ද්වෙ අසඞ්ඛතානීති? න හෙවං වත්තබ්බෙ…පෙ… ද්වෙ අසඞ්ඛතානීති? ආමන්තා. ද්වෙ තාණානි…පෙ… අන්තරිකා වාති? න හෙවං වත්තබ්බෙ…පෙ….

842. රූපස්ස රූපතා, නනු රූපතා අසඞ්ඛතාති? ආමන්තා. නිබ්බානං…පෙ… අමතන්ති? න හෙවං වත්තබ්බෙ…පෙ… රූපස්ස රූපතා, නනු රූපතා අසඞ්ඛතා, නිබ්බානං අසඞ්ඛතන්ති? ආමන්තා. ද්වෙ අසඞ්ඛතානීති? න හෙවං වත්තබ්බෙ…පෙ… ද්වෙ අසඞ්ඛතානීති? ආමන්තා. ද්වෙ තාණානි…පෙ… අන්තරිකා වාති? න හෙවං වත්තබ්බෙ…පෙ….

වෙදනාය වෙදනතා, නනු වෙදනතා…පෙ… සඤ්ඤාය සඤ්ඤතා, නනු සඤ්ඤතා…පෙ… සඞ්ඛාරානං සඞ්ඛාරතා, නනු සඞ්ඛාරතා…පෙ… විඤ්ඤාණස්ස විඤ්ඤාණතා, නනු විඤ්ඤාණතා අසඞ්ඛතාති? ආමන්තා. නිබ්බානං…පෙ… අමතන්ති? න හෙවං වත්තබ්බෙ …පෙ….

රූපස්ස රූපතා, නනු රූපතා…පෙ… විඤ්ඤාණස්ස විඤ්ඤාණතා, නනු විඤ්ඤාණතා අසඞ්ඛතා, නිබ්බානං අසඞ්ඛතන්ති? ආමන්තා. ඡ අසඞ්ඛතානීති? න හෙවං වත්තබ්බෙ…පෙ… ඡ අසඞ්ඛතානීති? ආමන්තා. ඡ තාණානි…පෙ… අන්තරිකා වාති? න හෙවං වත්තබ්බෙ…පෙ….

843. න වත්තබ්බං – ‘‘සබ්බධම්මානං තථතා අසඞ්ඛතා’’ති? ආමන්තා. සබ්බධම්මානං තථතා රූපං… වෙදනා… සඤ්ඤා… සඞ්ඛාරා… විඤ්ඤාණන්ති? න හෙවං වත්තබ්බෙ. තෙන හි සබ්බධම්මානං තථතා අසඞ්ඛතාති.

තථතාකථා නිට්ඨිතා.