(141) 6. පරියුට්ඨානං චිත්තවිප්පයුත්තන්තිකථා

702. පරියුට්ඨානං චිත්තවිප්පයුත්තන්ති? ආමන්තා. රූපං නිබ්බානං චක්ඛායතනං…පෙ… ඵොට්ඨබ්බායතනන්ති? න හෙවං වත්තබ්බෙ…පෙ… පරියුට්ඨානං චිත්තවිප්පයුත්තන්ති? ආමන්තා. නත්ථි සරාගං චිත්තං සදොසං චිත්තං සමොහං චිත්තං…පෙ… අකුසලං චිත්තං සංකිලිට්ඨං චිත්තන්ති? න හෙවං වත්තබ්බෙ…පෙ… නනු අත්ථි සරාගං චිත්තං සදොසං චිත්තං සමොහං චිත්තං…පෙ… අකුසලං චිත්තං සංකිලිට්ඨං චිත්තන්ති? ආමන්තා. හඤ්චි අත්ථි සරාගං චිත්තං සදොසං චිත්තං සමොහං චිත්තං…පෙ… අකුසලං චිත්තං සංකිලිට්ඨං චිත්තං, නො ච වත රෙ වත්තබ්බෙ – ‘‘පරියුට්ඨානං චිත්තවිප්පයුත්ත’’න්ති.

පරියුට්ඨානං චිත්තවිප්පයුත්තන්තිකථා නිට්ඨිතා.