සද්දබින්දු |ඔ0.0001| පකරණං

නමො තස්ස භගවතො අරහතො සම්මාසම්බුද්ධස්ස

1. යස්සඤෙය්‍යෙසු ධම්මෙසු, නාණුමත්තම්පවෙදිතං,

නත්වාසද්ධම්මසඞ්ඝංතං, සද්දබින්දුංසමාරභෙ;

2. |ඔ0.0002|

කාදිරිතා නවසඞ්ඛ්‍යා, කමෙනටා දි යාදිච,

පාදයොපඤ්ච සඞ්ඛ්‍යාතා, සුඤ්ඤනාමා සරඤ්ඤනා;

3. සරෙහෙවසරාපුබ්බෙ ලුත්තාවාවීපරෙරමා,

බ්‍යඤ්ජනාචාගමාවාවී දීඝරස්සාදිසම්භවා;

4. |ඔ0.0003|

කාකාසෙනාගතොසිස කෙනිද්ධිමච්චදස්සයි,

අරාජඛ්වග්ගිමෙසීනං සොතුකම්මෙඝයිත්ථියො;

ඉති සන්ධිකප්පො සමත්තො.

5. |ඔ0.0004|

බුද්ධපුමයුවසන්ත රාජබ්‍රහ්මසඛාචසා,

යතාදිදෙහීජන්තුච සත්ථුපිතාභිභූවිදූ;

6. කඤ්ඤාම්මාරත්තිථිපො, ක්ඛරණීනදිරුමාතුභූ,

නපුංසකෙතියන්තාච, පදකම්මදධායුනො;

7. |ඔ0.0005|

ගහිතාගහණෙනෙත්ථ සුද්ධොස්‍යාද්‍යන්තකාපුමෙ,

විමලාහොන්තිජාන්තෙහි ථ්‍යංපඤ්චන්තෙහිදාධිකා;

8. නපුංසකෙපයොගාතු ජනකාහොන්තිත්‍යන්තතො,

පධානානුගතාසබ්බ නාමසමාසතද්ධිතා;

9. |ඔ0.0006|

අත්තිලිඞ්ගානිපාතාදි තතොලුත්තාවස්‍යාදයො,

සුත්තානුරූපතොසිද්ධා හොන්තිවත්තාමනාදයො;

ඉති නාමකප්පො සමත්තො.

10. ඡකාරකෙසසාමිස්මිං සමාසොහොතිසම්භවා,

තද්ධීතාකත්තුකම්මස, ම්පදානොකාසසාමිසු;

11. |ඔ0.0007|

සාධත්තයම්හිආඛ්‍යාතො කිතකොසත්තසාධනෙ,

සබ්බත්ථපඨමාවුත්තෙ අවුත්තෙදුතියාදයො;

12. මනසාමුනිනොවුත්‍යා වනෙබුද්ධෙනවණ්ණිතෙ,

වට්ටාහිතොවිවට්ටත්ථං භික්ඛුභාවෙතිභාවනං;

ඉති කාරකකප්පො සමත්තො.

13. |ඔ0.0008|

රාසීද්විපදිකාද්වන්දා ලිඞ්ගෙනවචනෙනච,

ලුත්තාතුල්‍යාධිකරණා බහුබ්බීහීතුඛෙමරූ;

14. තප්පුරිසාචඛෙමොරා දයාචකම්මධාරයා,

දිගවොචාව්‍යයාහාරා එතෙසබ්බෙපිහාරිතා;

ඉති සමාසකප්පො සමත්තො.

15. කච්චාදිතොපිඑකම්හා සද්දතොනියමංවිනා,

නෙකත්ථෙසතිභොන්තෙව සබ්බෙතද්ධිතපච්චයා;

ඉති තද්ධිතකප්පො සමත්තො.

16. |ඔ0.0009|

කත්තරිනාඤ්ඤථාකම්මෙ තථාභාවෙතුමෙරයා,

සබ්බෙතෙපචධාතුම්හි සඞ්ඛෙපෙනමරූමයා;

17. |ඔ0.0010|

ගමීම්හාතිගුණාඵත්තො සම්භවාඅඤ්ඤධාතුසු,

අනන්තාවපයොගාතෙ ආදෙසපච්චයාදිහි;

ඉති ආඛ්‍යාතකප්පො සමත්තො.

18. කිතාදිපච්චයාසබ්බෙ, එකම්හාඅපිධාතුතො,

සියුංනුරූපතොසත්ත, සාධනෙසතිපායතො;

ඉති කිතකප්පො සමත්තො.

19. |ඔ0.0011|

ඉමිනාකිඤ්චිලෙසෙන, සක්කාඤාතුංජිනාගමෙ,

පයොගාඤාණිනාසින්ධු, රසොවෙකෙනබින්දුනා;

20. රම්මංසීඝප්පවෙසාය, පුරංපිටකසඤ්ඤිතං,

මග්ගොජුමග්ගතංමග්ගං, සද්දාරඤ්ඤෙවිසොධිතො;

21. |ඔ0.0012|

තෙනෙව කිඤ්චි ජලිතො ජලිතො පදීපො

කච්චායනුත්තිරතනො චිතගබ්භකොණෙ,

ධම්මාදිරාජගුරුනා ගරුමාමකෙන

ධම්මෙන යොබ්බිපතිනා සගරුත්තනීතො;

ඉති සද්දබින්දු පකරණං පරිසමත්තං.

යොසඤ්ඤමො ගුණධනො නයනං නිජංව

සික්ඛාපයී මම මවං සුගතාගමාදො,

සල්ලොක පුඤ්ජ සුහදො පදුමාදි රාම

නාමො මහා යතිවරා චරියො සමය්හං;

සද්ධාධනෙන වසතා විදිතම්හි පුප්ඵා

රාමෙධුනා අරියවංස ධජව්හයෙන,

සන්තෙන ඤාණතිලකො ත්‍යපරාඛ්‍යකෙන

බාලානමෙතමවිධීයි මයාහිතාය;