120. දිස්සන්ත+ඤ්ඤෙපි පච්චයාති
වුත්තතො+ඤ්ඤෙපි පච්චයා දිස්සන්ති. විවිධා මාතරො විමාතරොති විසෙසනසමාසො, තාසං පුත්තා වෙමාතිකාති රිකණපච්චයෙ රානුබන්ධත්තා උලොපෙ වුද්ධිම්හි කතෙ වෙමාතිකා. පථං ගච්ඡන්තීති පථාවිනො, ආවී. ඉස්සා අස්ස අත්ථීති ඉස්සුකී, උකී. ධුරං වහන්තීති ධොරය්හා, ය්හණ.
සාමඤ්ඤඤ්ච විසෙසො ච, භාවජො ච නිපාතජො;
ඉති විඤ්ඤූහි විඤ්ඤෙය්යො, තද්ධිතො තු චතුබ්බිධො.
ඉති පයොගසිද්ධියං ණාදිකණ්ඩො පඤ්චමො.