13. කුපාදයො නිච්ච+මස්යාදිවිධිම්හි
කුසද්දො පාදයො ච ස්යාද්යන්තෙන සහෙ+කත්ථා හොන්ති නිච්චං ස්යාදිවිධිවිසයතො+ඤ්ඤත්ථ. එත්ථ අබ්යභිචාරිපාදිසහචරණත්ථෙන කුඉති නිපාතොව, න පථවීවාචකො කුසද්දො. ස්යාදිවිධිවිසයො නාම ‘‘ලක්ඛණිත්ථම්භූතා’’ දිනා පතිආදීනං විසයෙ කතදුතියා, තඤ්ච අන්වද්ධමාසන්ති අසංඛ්යසමාස+මිව මා හොතූති ‘‘අස්යාදිවිධිම්හී’’ති නිසෙධො. කුච්ඡිතො බ්රාහ්මණො කුබ්රාහ්මණො, නිච්චසමාසත්තා අසපදෙන විග්ගහො.