(1) පඨමො කණ්ඩො (සඤ්ඤාදි)

1. අආදයො තිතාලීස වණ්ණා.

2. දසා-දො සරා.

3. ද්වෙද්වෙ සවණ්ණා.

4. පුබ්බො රස්සො.

5. පරො දීඝො.

6. කාදයො බ්‍යඤ්ජනා.

7. පඤ්ච පඤ්චකා වග්ගා.

8. බින්දු නිග්ගහීතං.

9. ඉයුවණ්ණා ඣලා නාමස්සන්තෙ.

10. පිත්ථියං.

11. ඝා.

12. ගො ස්‍යාලපනෙ.

(සඤ්ඤා)

13. විධිබ්බිසෙසනන්තස්ස.

14. සත්තමියං පුබ්බස්ස.

15. පඤ්චමියං පරස්ස.

16. ආදිස්ස.

17. ඡට්ඨියන්තස්ස.

18. වානුබන්ධො.

19. ටානුබන්ධා-නෙකවණ්ණා සබ්බස්ස.

20. ඤකානුබන්ධාද්‍යන්තා.

21. මානුබන්ධො සරානමන්තා පරො.

22. විප්පටිසෙධෙ.

23. සඞ්කෙතො-නවයවො-නුබන්ධො.

24. වණ්ණපරෙන සවණ්ණො-පි.

25. න්තු වන්තුමන්ත්වාවන්තුතවන්තුසම්බන්ධී.

පරිභාසා

26. සරො ලොපො සරෙ.

27. පරො ක්වචි.

28. න ද්වෙ වා.

29. යුවණ්ණානමෙඔ ලුත්තා.

30. යවා සරෙ.

31. එඔනං.

32. ගොස්සාවඞ.

33. බ්‍යඤ්ජනෙ දීඝරස්සා.

34. සරම්හා ද්වෙ.

35. චතුත්ථදුතියෙස්වෙසං තතියපඨමා.

36. වී-තිස්සෙ-වෙ වො.

37. එඔනම වණ්ණෙ.

38. නිග්ගහීතං.

39. ලොපො.

40. පරසරස්ස.

41. වග්ගෙ වග්ගන්තො.

42. යෙවහිසු ඤො.

43. යෙ සංස්ස.

44. මයදා සරෙ.

45. වනතරගා චා-ගමා.

46. ඡා ළො.

47. තදමිනාදීනි.

48. තවග්ගවරණානං යෙ චවග්ගබයඤා.

49. වග්ගලසෙහි තෙ.

50. හස්ස විපල්ලාසො.

51. වෙ වා.

52. තථනරානං ටඨණලා.

53. සංයොගාදිලොපො.

54. විච්ඡාභික්ඛඤ්ඤෙසු ද්වෙ.

55. ස්‍යාදිලොපො පුබ්බස්සෙ-කස්ස.

56. සබ්බාදීනං වීතිහාරෙ.

57. යාවබොධං සම්භමෙ.

58. බහුලං.

ඉති මොග්ගල්ලානෙ බ්‍යාකරණෙ සඤ්ඤාදිකණ්ඩො පඨමො.