තනාදයො |ඔ0.0028|

120. තනු විත්ථාරෙ සක සත්තිස්මිං-දු පරිතාපෙ සනු දානස්මිං,

වන යාචායං මනු බොධස්මිං-හි ගතෙ අප පාපුණනස්මිං (හි,)

කර කරණස්මිං(භවති)සි බන්ධෙ-සු අභිස්සවනෙ(තනු ආදීනි;)

නිච්චං ණෙණයන්තා චුරාදයො.

121. චුර ථෙය්‍යෙ ලොක (ධාතු) දස්සනෙ අකි ලක්ඛණෙ,

සියා ථක පතිඝාතෙ (පුන) තක්ක විතක්කණෙ;

122. ලක්ඛ දස්සනඅඞ්කෙසු (වත්තතෙ) මක්ඛ මක්ඛණෙ,

භක්ඛා’දනෙ මොක්ඛ මොචෙ සුඛ-දුක්ඛ (ච) තකිරයෙ;

123. |ඔ0.0029|

ලිඞ්ග චිත්තකිරයා’දීසු මග-මග්ග ගවෙසනෙ,

(පුනා’පි) පච විත්ථාරෙ ක්ලෙසෙ වඤ්ච පලම්භනෙ.

124. වච්ච අජ්ඣායනෙ අච්ච පූජායං වච භාසනෙ,

රච පතියතනෙ සුච පෙසුඤ්ඤෙ රුච රොචනෙ;

125. මුචප්පමොචනෙ ලොච දස්සනෙ කච දිත්තියං,

සජ්ජා’ජ්ජ අජ්ජනෙ තජ්ජ තජ්ජනෙ වජ්ජ වජ්ජනෙ;

126. යුජ සංයමනෙ පූජ පූජායං තිජ තෙජනෙ,

පජ මග්ග සංවරණෙ ගතෙ භජ විභාජනෙ;

127. (අථො) භාජ පුථක්කාරෙ සභාජ පීතිදස්සනෙ,

(අථො තු) ඝට සඞ්ඝාතෙ ඝට්ට සඤ්චලනා’දිසු;

128. |ඔ0.0030|

කුට-කොට්ටච්ඡෙදනෙ (ද්වෙ) කුට ආකොටනා’දිසු,

නට නච්චෙ චට-පුට භෙදෙ වණ්ට විභාජනෙ;

129. තුවට්ට එකසයනෙ ඝටො විසරණෙ (සියා),

ගුණ්ඨ ඔගුණ්ඨනෙ හෙඨ බාධායං වෙඨ වෙඨනෙ

ගුඩි වෙඨෙ කඩි-ඛඩි භෙදනෙ මඩි භූසනෙ;

130. පණ්ඩ-භණ්ඩ පරිභාසෙ දඩි ආණාය (මීරිතො),

තඩි සංතාළනෙ පිණ්ඩ සඞ්ඝාතෙ ඡඩ්ඩ ඡඩ්ඩනෙ;

131. වණ්ණ සංවණ්ණනෙ චුණ්ණ චුණ්ණනෙ ආණ පෙසනෙ,

ගණ සංකලනෙ කණ්ණ සවණෙ චින්ත චින්තනෙ;

132. සන්ත සඞ්කොචනෙ මන්ත ගුත්ත භාසන ජානනෙ,

චිත සංචෙතනා’දිසු කිත්ත සංසද්දනෙ (භවෙ;)

133. |ඔ0.0031|

යත නීය්‍යාතනෙ ගන්ථ සන්දබ්භෙ අත්ථ යාචනෙ,

කථ වාක්‍යප්පබන්ධෙ (ච) විද ඤාණෙ නුදෙ චුද;

134. ඡදා’පවාරණෙ ඡද්ද වමනෙ ඡන්ද ඉච්ඡයං,

වදී’භිවාද ථොමෙසු භදිකල්‍යාණකම්මනි;

135. හිළාද (තු) සුඛෙ ගන්ධ සූචනෙ විධ කම්පනෙ,

රන්ධ පාකෙ (අථො) මාන පූජායං නු ත්ථුතිම්හි (තු;)

136. ථන දෙවසද්දෙ ඌන පරිහානෙ ථෙන චොරියෙ,

ධන සද්දෙ ඤප තොස නිසාන මාරණා’දිසු;

137. ලප වාක්‍යෙ ඣප දාහෙ රුප රොපණආදිසු,

පී තප්පනෙ (සියා) කප්ප විතක්කෙ ලභි වඤ්චනෙ;

138. |ඔ0.0032|

(අථො) වහි ගරහායං සමු සාන්ත්වන දස්සනෙ,

කමු ඉච්ඡාය කන්තිම්හි (සියා) ථොම සිලාඝනෙ;

139. තිමු තෙමන සඞ්කාසු අම රොගගතා’දිසු,

සංගාම යුද්ධෙ (වත්තෙය්‍ය) ඊර වාචා පකම්පනෙ;

140. වර ආවරණි’ච්ඡාසු යාචායං ධර ධාරණෙ,

තීර කම්ම සමත්තිම්හි පාර සාමත්ථියා’දිසු;

141. තුලු’ම්මානෙ ඛල සොවෙ සඤ්චයෙ පාලරක්ඛණෙ,

කල සඞ්කලනා’දීසු (භවෙ) මීල නිමීලනෙ;

142. සීලූ’පධාරණෙ මූල රොහණෙ ලල ඉච්ඡනෙ,

දුල උක්ඛෙපණෙ පූල මහත්තන සමුස්සයෙ;

143. |ඔ0.0033|

ඝුස සද්දෙ පිස පෙසෙ භුසා’ලඞ්කරණෙ (සියා,)

රුස පාරුසියෙ ඛුංස අක්කොසෙ පුස පොසනෙ;

144. දිස උච්චාරණා’දීසු වස අච්ඡාදනෙ (සියා,)

රස’ස්සාදෙ රවෙ ස්නෙහෙ (අථො) සිස විසෙසනෙ;

145. සි බන්ධෙ මිස්ස සම්මිස්සෙ කුහ විම්භාපනෙ සියා,

රහ චාගෙ ගතෙ (චා’පි) මහ පූජාය (මීරිතො;)

146. පිහි’ච්ඡායං සියා වීළ ලජ්ජායං එළ ඵාළනෙ

හීළ ගාරහියෙ පීළ බාධායං තළ තාළනෙ

ලළ (ධාතූ)’පසෙවා’යං (වත්තතී’මෙචුරාදයො;)

සමත්තා සත්තගණා.

147. |ඔ0.0034|

භුවාදී ච රුධාදී ච-දිවාදි ස්වා’දයො ගණා,

කියාදී ච තනාදී ච-චුරාදීතී’ධ සත්තධා;

148. කිරයාවාචිත්තමක්ඛාතු-මෙ’කෙකත්ථො බහූ’දිතො,

පයොගතො’නුගන්තබ්බා-අනෙකත්ථා හි ධාතවො;

149. හිතාය මන්දබුද්ධීනං-ව්‍යත්තං වණ්ණක්කමා ලහුං,

රචිතා ධාතුමඤ්ජුසා-සීලවංසෙන ධීමතා;

150. සද්ධම්මපඞ්කෙරුහරාජහංසො,

ආසිට්ඨධම්මට්ඨිති සීලවංසො;

යක්ඛද්දිලෙනාඛ්‍ය නිවාසවාසී,

යතිස්සරො සොයමිදං අකාසි;

කච්චායන ධාතුමඤ්ජූසා සමත්තා.

සාචරියානුසිට්ඨා |ඔ0.0035| පරිසිට්ඨපරිභාසා

1. එකා නෙකස්ස රානන්තූ-’භයෙසං අන්තිමා සරා,

අඞ්ගානුබන්ධා ධාතූනං-වුච්චන්තෙ’පි යථාක්කමං;

2. ධාතුනො ව්‍යාඤ්ජනා පුබ්බෙ-නිග්ගහීතං සම’න්තිමා,

ඉවණ්ණෙනා’රුධාදීන-මනුබන්ධෙන චිණ්හිතං;

3. සෙසා’නුබන්ධා සබ්බෙසං-හොන්තී’ධු’ච්චාරණප්ඵලා,

උච්චාවචප්ඵලා භාස-න්තරම්පත්වා භ වන්ති’පි;

4. |ඔ0.0036|

නාමධාතුක භාවො’පි-කිරයාය අධිකාරතො,

විරුද්ධන්තරාභාවා-ක්වචිදෙව පයුජ්ජතෙ;

5. ද්වන්දයුත්තිවසා ක්වාපි-ආදෙසො යොවිභත්තියා,

ගුණාදිභාව සද්දො’පි-තකිරයත්ථෙ විධීයතෙ;