5. පඨමවිනයධරසොභනසුත්තං

79. ‘‘සත්තහි, භික්ඛවෙ, ධම්මෙහි සමන්නාගතො [සමන්නාගතො භික්ඛු (සී. ස්‍යා. ක.) අනන්තරසුත්තද්වෙයෙ පන ඉදං පාඨනානත්තං නත්ථි. පරි. 327] විනයධරො සොභති. කතමෙහි සත්තහි? ආපත්තිං ජානාති, අනාපත්තිං ජානාති, ලහුකං ආපත්තිං ජානාති, ගරුකං ආපත්තිං ජානාති, සීලවා හොති…පෙ… සමාදාය සික්ඛති සික්ඛාපදෙසු, චතුන්නං ඣානානං ආභිචෙතසිකානං නිකාමලාභී හොති අකිච්ඡලාභී අකසිරලාභී, ආසවානං ඛයා…පෙ… සච්ඡිකත්වා උපසම්පජ්ජ විහරති. ඉමෙහි ඛො, භික්ඛවෙ, සත්තහි ධම්මෙහි සමන්නාගතො විනයධරො සොභතී’’ති. පඤ්චමං.