7-13. දුතියඣානසුත්තාදිසත්තකං

257-263. ‘‘පඤ්චිමෙ, භික්ඛවෙ, ධම්මෙ අප්පහාය අභබ්බො දුතියං ඣානං…පෙ… අභබ්බො තතියං ඣානං… අභබ්බො චතුත්ථං ඣානං… අභබ්බො සොතාපත්තිඵලං… අභබ්බො සකදාගාමිඵලං… අභබ්බො අනාගාමිඵලං… අභබ්බො අරහත්තං [අරහත්තඵලං (සී.)] සච්ඡිකාතුං. කතමෙ පඤ්ච? ආවාසමච්ඡරියං, කුලමච්ඡරියං, ලාභමච්ඡරියං, වණ්ණමච්ඡරියං, ධම්මමච්ඡරියං – ඉමෙ ඛො, භික්ඛවෙ, පඤ්ච ධම්මෙ අප්පහාය අභබ්බො අරහත්තං සච්ඡිකාතුං.

‘‘පඤ්චිමෙ, භික්ඛවෙ, ධම්මෙ පහාය භබ්බො දුතියං ඣානං…පෙ… භබ්බො තතියං ඣානං… භබ්බො චතුත්ථං ඣානං… භබ්බො සොතාපත්තිඵලං… භබ්බො සකදාගාමිඵලං… භබ්බො අනාගාමිඵලං… භබ්බො අරහත්තං සච්ඡිකාතුං. කතමෙ පඤ්ච? ආවාසමච්ඡරියං, කුලමච්ඡරියං, ලාභමච්ඡරියං, වණ්ණමච්ඡරියං, ධම්මමච්ඡරියං – ඉමෙ ඛො, භික්ඛවෙ, පඤ්ච ධම්මෙ පහාය භබ්බො අරහත්තං සච්ඡිකාතු’’න්ති. තෙරසමං.