3. සාමණෙරසුත්තං

253. [මහාව. 84] ‘‘පඤ්චහි, භික්ඛවෙ, ධම්මෙහි සමන්නාගතෙන භික්ඛුනා සාමණෙරො උපට්ඨාපෙතබ්බො. කතමෙහි පඤ්චහි? ඉධ, භික්ඛවෙ, භික්ඛු අසෙඛෙන සීලක්ඛන්ධෙන සමන්නාගතො හොති; අසෙඛෙන සමාධික්ඛන්ධෙන… අසෙඛෙන පඤ්ඤාක්ඛන්ධෙන… අසෙඛෙන විමුත්තික්ඛන්ධෙන… අසෙඛෙන විමුත්තිඤාණදස්සනක්ඛන්ධෙන සමන්නාගතො හොති. ඉමෙහි ඛො, භික්ඛවෙ, පඤ්චහි ධම්මෙහි සමන්නාගතෙන භික්ඛුනා සාමණෙරො උපට්ඨාපෙතබ්බො’’ති. තතියං.