2. අකුසලරාසිසුත්තං
52. ‘‘අකුසලරාසීති, භික්ඛවෙ, වදමානො පඤ්ච නීවරණෙ [ඉමෙ පඤ්ච නීවරණෙ (සී.)] සම්මා වදමානො වදෙය්‍ය. කෙවලො හායං [හයං (සී.), චායං (ස්‍යා. කං.), සායං (ක.)], භික්ඛවෙ, අකුසලරාසි යදිදං පඤ්ච නීවරණා. කතමෙ පඤ්ච? කාමච්ඡන්දනීවරණං, බ්‍යාපාදනීවරණං, ථිනමිද්ධනීවරණං, උද්ධච්චකුක්කුච්චනීවරණං, විචිකිච්ඡානීවරණං. අකුසලරාසීති, භික්ඛවෙ, වදමානො ඉමෙ පඤ්ච නීවරණෙ සම්මා වදමානො වදෙය්‍ය. කෙවලො හායං, භික්ඛවෙ, අකුසලරාසි යදිදං පඤ්ච නීවරණා’’ති. දුතියං.