6. සරාගසුත්තං

66. ‘‘චත්තාරොමෙ, භික්ඛවෙ, පුග්ගලා සන්තො සංවිජ්ජමානා ලොකස්මිං. කතමෙ චත්තාරො? සරාගො, සදොසො, සමොහො, සමානො – ඉමෙ ඛො, භික්ඛවෙ, චත්තාරො පුග්ගලා සන්තො සංවිජ්ජමානා ලොකස්මි’’න්ති.

‘‘සාරත්තා රජනීයෙසු, පියරූපාභිනන්දිනො;

මොහෙන ආවුතා [අධමා (සී. ස්‍යා. කං. පී.)] සත්තා, බද්ධා [බන්ධා (ක.)] වඩ්ඪෙන්ති බන්ධනං.

‘‘රාගජං දොසජඤ්චාපි, මොහජං චාපවිද්දසූ;

කරොන්තාකුසලං කම්මං [ධම්මං (ක.)], සවිඝාතං දුඛුද්‍රයං.

‘‘අවිජ්ජානිවුතා පොසා, අන්ධභූතා අචක්ඛුකා;

යථා ධම්මා තථා සන්තා, න තස්සෙවන්ති [නස්සෙවන්ති (සී.)] මඤ්ඤරෙ’’ති. ඡට්ඨං;