၇. အဓိကရဏသမထာ (ဘိက္ခုနီဝိဘင်္ဂေါ)

ဣမေ ခေါ ပနာယျာယော သတ္တ အဓိကရဏသမထာ

ဓမ္မာ ဥဒ္ဒေသံ အာဂစ္ဆန္တိ.

၁၂၄၂. ဥပ္ပန္နုပ္ပန္နာနံ အဓိကရဏာနံ သမထာယ ဝူပသမာယ သမ္မုခါဝိနယော ဒါတဗ္ဗော၊ သတိဝိနယော ဒါတဗ္ဗော၊ အမူဠှဝိနယော ဒါတဗ္ဗော၊ ပဋိညာယ ကာရေတဗ္ဗံ၊ ယေဘုယျသိကာ၊ တဿပါပိယသိကာ၊ တိဏဝတ္ထာရကောတိ.

ဥဒ္ဒိဋ္ဌာ ခေါ၊ အယျာယော၊ သတ္တ အဓိကရဏသမထာ ဓမ္မာ. တတ္ထာယျာယော ပုစ္ဆာမိ – ‘‘ကစ္စိတ္ထ ပရိသုဒ္ဓါ’’? ဒုတိယမ္ပိ ပုစ္ဆာမိ – ‘‘ကစ္စိတ္ထ ပရိသုဒ္ဓါ’’? တတိယမ္ပိ ပုစ္ဆာမိ – ‘‘ကစ္စိတ္ထ ပရိသုဒ္ဓါ’’? ပရိသုဒ္ဓေတ္ထာယျာယော၊ တသ္မာ တုဏှီ၊ ဧဝမေတံ ဓာရယာမီတိ.

အဓိကရဏသမထာ နိဋ္ဌိတာ.