၂၄၄. ပဗ္ဗာဇနီယကမ္မကထာ

၄၁၃. ဣဓ ပန၊ ဘိက္ခဝေ၊ ဘိက္ခု ကုလဒူသကော ဟောတိ ပါပသမာစာရော. တတြ စေ ဘိက္ခူနံ ဧဝံ ဟောတိ – ‘‘အယံ ခေါ၊ အာဝုသော၊ ဘိက္ခု ကုလဒူသကော ပါပသမာစာရော. ဟန္ဒဿ မယံ ပဗ္ဗာဇနီယကမ္မံ ကရောမာ’’တိ. တေ တဿ ပဗ္ဗာဇနီယကမ္မံ ကရောန္တိ – အဓမ္မေန ဝဂ္ဂါ. သော တမှာ အာဝါသာ အညံ အာဝါသံ ဂစ္ဆတိ. တတ္ထပိ ဘိက္ခူနံ ဧဝံ ဟောတိ – ‘‘အယံ ခေါ၊ အာဝုသော၊ ဘိက္ခု သံဃေန ပဗ္ဗာဇနီယကမ္မကတော အဓမ္မေန ဝဂ္ဂေဟိ. ဟန္ဒဿ မယံ ပဗ္ဗာဇနီယကမ္မံ ကရောမာ’’တိ. တေ တဿ ပဗ္ဗာဇနီယကမ္မံ ကရောန္တိ – အဓမ္မေန သမဂ္ဂါ။ပေ။ ဓမ္မေန ဝဂ္ဂါ။ ဓမ္မပတိရူပကေန ဝဂ္ဂါ။ ဓမ္မပတိရူပကေန သမဂ္ဂါ။ပေ။.

စက္ကံ ကာတဗ္ဗံ.

ပဗ္ဗာဇနီယကမ္မကတာ နိဋ္ဌိတာ.