၁၅၉. တဿုဒ္ဒါနံ

ရာဇာ စ မာဂဓော သောဏော၊ အသီတိသဟဿိဿရော၊

သာဂတော ဂိဇ္ဈကူဋသ္မိံ၊ ဗဟုံ ဒဿေတိ ဥတ္တရိံ.

ပဗ္ဗဇ္ဇာရဒ္ဓဘိဇ္ဇိံသု၊ ဝီဏံ ဧကပလာသိကံ၊

နီလာ ပီတာ လောဟိတိကာ၊ မဉ္ဇိဋ္ဌာ ကဏှမေဝ စ.

မဟာရင်္ဂမဟာနာမာ၊ ဝဒ္ဓိကာ စ ပဋိက္ခိပိ၊

ခလ္လကာ ပုဋပါလိ စ၊ တူလတိတ္တိရမေဏ္ဍဇာ.

ဝိစ္ဆိကာ မောရစိတြာ စ၊ သီဟဗျဂ္ဃါ စ ဒီပိကာ၊

အဇိနုဒ္ဒါ မဇ္ဇာရီ စ၊ ကာဠလုဝကပရိက္ခဋာ.

ဖလိတုပါဟနာ ခိလာ၊ ဓောတခါဏုခဋခဋာ၊

တာလဝေဠုတိဏံ စေဝ၊ မုဉ္ဇပဗ္ဗဇဟိန္တာလာ.

ကမလကမ္ဗလသောဝဏ္ဏာ၊ ရူပိကာ မဏိဝေဠုရိယာ၊

ဖလိကာ ကံသကာစာ စ၊ တိပုသီသဉ္စ တမ္ဗကာ.

ဂါဝီ ယာနံ ဂိလာနော စ၊ ပုရိသာယုတ္တသိဝိကာ၊

သယနာနိ မဟာစမ္မာ၊ ဂေါစမ္မေဟိ စ ပါပကော.

ဂိဟီနံ စမ္မဝဒ္ဓေဟိ၊ ပဝိသန္တိ ဂိလာယနော၊

မဟာကစ္စာယနော သောဏော၊ သရေန အဋ္ဌကဝဂ္ဂိကံ.

ဥပသမ္ပဒံ ပဉ္စဟိ၊ ဂုဏင်္ဂုဏာ ဓုဝသိနာ၊

စမ္မတ္ထရဏာနုညာသိ၊ န တာဝ ဂဏနူပဂံ၊

အဒါသိ မေ ဝရေ ပဉ္စ၊ သောဏတ္ထေရဿ နာယကောတိ.

ဣမမှိ ခန္ဓကေ ဝတ္ထူနိ တေသဋ္ဌိ.

စမ္မက္ခန္ဓကော နိဋ္ဌိတော.