၁. အစေလကသိက္ခာပဒဝဏ္ဏနာ

၂၇၃. အစေလကဝဂ္ဂဿ ပဌမသိက္ခာပဒေ တေသန္တိ တိတ္ထိယာနံ. တတ္ထာတိ ဘာဇနေ. ဣတောတိ ပတ္တတော. သစေ တိတ္ထိယော ဝဒတီတိ ‘‘ပဌမမေဝ မံ သန္ဓာယ အဘိဟရိတွာ ဌပိတံ မယှံ သန္တကံ ဟောတိ၊ ဣမသ္မိံ ဘာဇနေ အာကိရထာ’’တိ ဝဒတိ၊ ဝဋ္ဋတိ. သေသမေတ္ထ ဥတ္တာနမေဝ. အညတိတ္ထိယတာ၊ အဇ္ဈောဟရဏီယတာ၊ အဇ္ဈောဟရဏတ္ထာယ သဟတ္ထာ အနိက္ခိတ္တဘာဇနေ ဒါနန္တိ ဣမာနိ ပနေတ္ထ တီဏိ အင်္ဂါနိ.

အစေလကသိက္ခာပဒဝဏ္ဏနာ နိဋ္ဌိတာ.