၁. ပဌမာဒိသိက္ခာပဒဝဏ္ဏနာ

၉၇၈. စိတ္တာဂါရဝဂ္ဂဿ ပဌမေ ပါဋေက္ကာ အာပတ္တိယောတိ ဂီဝါယ ပရိဝတ္တနပ္ပယောဂဂဏနာယ.

၁၀၁၅. နဝမေ ဟတ္ထိအာဒီသု သိပ္ပ-သဒ္ဒေါ ပစ္စေကံ ယောဇေတဗ္ဗော၊ တထာ အာထဗ္ဗဏာဒီသု မန္တ-သဒ္ဒေါ. တတ္ထ အာထဗ္ဗဏမန္တော နာမ အာထဗ္ဗဏဝေဒဝိဟိတော ပရူပဃာတကရော မန္တော. ခီလနမန္တော နာမ ဝေရိမာရဏတ္ထာယ သာရဒါရုမယံ ခီလံ မန္တေတွာ ပထဝိယံ အာကောဋနမန္တော. အဂဒပ္ပယောဂေါ ဝိသပ္ပယောဇနံ. နာဂမဏ္ဍလန္တိ သပ္ပါနံ ပဝေသနိဝါရဏတ္ထံ မဏ္ဍလဗန္ဓမန္တော. သေသံ သဗ္ဗတ္ထ ဥတ္တာနမေဝ.

နိဋ္ဌိတော စိတ္တာဂါရဝဂ္ဂေါ ပဉ္စမော.