၆. ဆဋ္ဌသံဃာဒိသေသသိက္ခာပဒဝဏ္ဏနာ
၇၀၅. ဆဋ္ဌေ ပဋိဂ္ဂဟော တေန န ဝိဇ္ဇတီတိ တေနေဝ ‘‘န ဒေတီ’’တိ ဝုတ္တကာရဏေန ဥယျောဇိတာယ ဟတ္ထတော ဣတရာယ ပဋိဂ္ဂဟောပိ နတ္ထိ. ပရိဘောဂပစ္စယာတိ ဥယျောဇိတာယ ဘောဇနပရိယောသာနပစ္စယာတိ အတ္ထော. မနုဿပုရိသဿ အဝဿုတတာ၊ တံ ဉတွာ အနနုညာတကာရဏာ ဥယျောဇနာ၊ တေန ဣတရိဿာ ဂဟေတွာ ဘောဇနပရိယောသာနန္တိ တီဏိ အင်္ဂါနိ.
ဆဋ္ဌသံဃာဒိသေသသိက္ခာပဒဝဏ္ဏနာ နိဋ္ဌိတာ.
၇၀၉-၇၂၇. သတ္တမတော ယာဝဒသမပရိယောသာနာနိ ဥတ္တာနာနေဝ.
သံဃာဒိသေသဝဏ္ဏနာနယော နိဋ္ဌိတော.