၄. စတုတ္ထသံဃာဒိသေသသိက္ခာပဒဝဏ္ဏနာ

၆၉၄. စတုတ္ထေ ကာရကဂဏဿာတိ ဣမဿ ကမ္မံ ကာတဗ္ဗန္တိ ယေဟိ သန္နိဋ္ဌာနံ ကတံ၊ တေ သန္ဓာယ ဝုတ္တံ. ကမ္မဝါစက္ခဏေ သဟဌိတေတိ ကေစိ. နေတ္ထာရဝတ္တေတိ နိတ္ထရဏဟေတုမှိ ဝတ္တေ.

၆၉၈. ပါဠိယံ အသန္တေ ကာရကသံဃေတိ ဧတ္ထ ဝိဇ္ဇမာနံ သုဒူရမ္ပိ ဂန္တွာ အာပုစ္ဆိတဗ္ဗံ. အန္တရာယေ ပန သတိ သမ္မာ ဝတ္တန္တံ ဩသာရေတုံ ဝဋ္ဋတီတိ. ဓမ္မကမ္မေန ဥက္ခိတ္တတာ၊ အနနုညာတကာရဏာ ဩသာရဏန္တိ ဒွေ အင်္ဂါနိ.

စတုတ္ထသံဃာဒိသေသသိက္ခာပဒဝဏ္ဏနာ နိဋ္ဌိတာ.