၃. ကောဋိဂါမဝဂ္ဂေါ
၁. ကောဋိဂါမသုတ္တဝဏ္ဏနာ
၁၀၉၁. အနနုဗောဓာတိ ပဋိဝေဓဿ အနုရူပဗောဓာဘာဝေန. အပ္ပဋိဝေဓာတိ သစ္စာနံ ပဋိမုခံ ဝေဓာဘာဝေန.
၂. ဒုတိယကောဋိဂါမသုတ္တဝဏ္ဏနာ
၁၀၉၂. ဖလသမာဓိဖလပညာနန္တိ အဂ္ဂဖလသမာဓိအဂ္ဂဖလပညာနံ.
၇. တထသုတ္တဝဏ္ဏနာ
၁၀၉၇. အရိယာနန္တိ ဗုဒ္ဓါနံ အရိယာနံ. တေနာဟ ‘‘န ဟီ’’တိအာဒိ.
၈. လောကသုတ္တဝဏ္ဏနာ
၁၀၉၈. ပဋိဝိဒ္ဓတ္တာ ဒေသိတတ္တာ စာတိ ဣမိနာ ပဋိဝေဓဉာဏေန ဒေသနာဉာဏေန စ ပရိဂ္ဂဟိတတ္တာ အရိယသန္တကာနိ ဟောန္တိ အရိယဿ ဘဂဝတော သန္တကဘာဝတော.
၁၀. ဂဝမ္ပတိသုတ္တဝဏ္ဏနာ
၁၁၀၀. ဧကပ္ပဋိဝေဓောတိ ဧကေနေဝ ဉာဏေန စတုန္နံ အရိယသစ္စာနံ ဧကဇ္ဈံ ပဋိဝေဓော.
ကောဋိဂါမဝဂ္ဂဝဏ္ဏနာ နိဋ္ဌိတာ.