၄. ပဌမသရဏာနိသက္ကသုတ္တဝဏ္ဏနာ

၁၀၂၀. ပမာဏေနာတိ ဧကေန ပမာဏေန၊ န သဗ္ဗသော. ဩလောကနံ ခမန္တီတိ ဒဿနမဂ္ဂေန စတုသစ္စဓမ္မာ ပစ္စတ္တံ ပဿိတဗ္ဗာ ပဋိဝိဇ္ဈိတဗ္ဗာ. ပဌမမဂ္ဂက္ခဏေ ဟိ စတုသစ္စဓမ္မာ ဧကဒေသတောဝ ဒိဋ္ဌာ နာမ ဟောန္တိ. ‘‘ပရိမုစ္စတီ’’တိ ပန ဝတ္တုံ ဝဋ္ဋတိ ပဋိဝိဇ္ဈနကိရိယာယ ဝတ္တမာနတ္တာ. အဂန္တွာ အပါယေသု အနုပ္ပတ္တိရဟတ္တာ. တေနာဟ ‘‘န ဂစ္ဆတီ’’တိ၊ န ဥပ္ပဇ္ဇတီတိ အတ္ထော. မဟာသာရရုက္ခေ ဒဿေန္တော အာဟ – ‘‘ယော ကောစိ ဝိညုဇာတိကော မမ စေ ဂေါစရံ ဂစ္ဆတိ၊ ဧကဿ အာဂမနံ အဝဉ္ဈံ အမောဃ’’န္တိ ဒဿေတုံ.