၁၀. ဧသနာဝဂ္ဂေါ

၁. ဧသနာသုတ္တဝဏ္ဏနာ

၁၆၁. ကာမာနန္တိ ဝတ္ထုကာမကိလေသကာမာနံ. ကိလေသကာမောပိ ဟိ ကာမိတန္တိ ပရိကပ္ပိတေန ဝိဓိနာ စ အဓိကရာဂေဟိ ဧသနီယော. ဘဝါနန္တိ တိဏ္ဏံ ဂတီနံ. ဒိဋ္ဌိဂတိကပရိကပ္ပိတဿ ဗြဟ္မစရိယဿ နိမိတ္တဘာဝတော မိစ္ဆာဒိဋ္ဌိ ‘‘ဗြဟ္မစရိယ’’န္တိ အဓိပ္ပေတာ.

၂-၁၁. ဝိဓာသုတ္တာဒိဝဏ္ဏနာ

၁၆၂-၁၇၁. သေယျောဟမသ္မီတိအာဒိနာ တံတံဝိဘာဂေန ဓီယန္တိ ဝိဓီယန္တီတိ ဝိဓာ၊ မာနကောဋ္ဌာသာ၊ မာနဋ္ဌပနာ ဝါ. နီဟနန္တီတိ ဝိဗာဓေန္တိ.

ဧသနာဝဂ္ဂဝဏ္ဏနာ နိဋ္ဌိတာ.