၇. နာဂဒတ္တသုတ္တဝဏ္ဏနာ

၂၂၇. အတိကာလေနာတိ အတိဝိယ ပုဗ္ဗဏှကာလေန၊ ကာလဿေဝါတိ အတ္ထော. ကောဋိသမ္မုဉ္ဇနိယာတိ သမ္မုဉ္ဇနိကောဋိယာ၊ သမ္မုဉ္ဇနိယာ ဧကဒေသေနေဝါတိ အတ္ထော. ဣမိနာ သမ္မဇ္ဇနေ အမနာပကာရိတံ ဒဿေတိ. မဇ္ဈနှိကေ ဝီတိဝတ္တေတိ ဂိဟိသံသဂ္ဂဝသေန ကာလံ ဝီတိနာမေန္တော မဇ္ဈနှေ ဗဟုဝီတိဝတ္တေ. အညေဟိ ဘိက္ခူဟီတိ နာတိကာလံ ပဝိဋ္ဌေဟိ. နိဿက္ကဝစနဉ္စေတံ. ဘာယာမိ နာဂဒတ္တန္တိ တဿ ပဋိပတ္တိံ ဘာယိတဗ္ဗံ ကတွာ ဒေဝတာ ဝဒန္တီ ပဋိပတ္တိယံ နိယောဇေတိ. သုပ္ပဂဗ္ဘန္တိ ကာယပါဂဗ္ဗိယာဒီဟိ အတိဝိယ သမန္နာဂတံ.

နာဂဒတ္တသုတ္တဝဏ္ဏနာ နိဋ္ဌိတာ.