၅. မာနတ္ထဒ္ဓသုတ္တဝဏ္ဏနာ

၂၀၁. မာနေန ထဒ္ဓေါတိ ‘‘အယံ ခေါ’’တိအာဒိနာ ပဂ္ဂဟိတေန မာနေန ထဒ္ဓေါ ဗဇ္ဈိတစိတ္တော ထဒ္ဓအယောသလာကော ဝိယ ကဿစိပိ အနောနတော. န ကိဉ္စိ ဇာနာတိ လောကေ ပဋိသန္ထာရမတ္တဿပိ အဇာနနတော.

အဗ္ဘုတဝိတ္တဇာတာတိ သဉ္ဇာတအဗ္ဘုတဝိတ္တာ. ဝိတ္တံ ဝိတ္တီတိ စ တုဋ္ဌိပရိယာယာ. အဘူတပုဗ္ဗာယာတိ ယာ တဿာ ပရိသာယ ဝိတ္တိ တဒါ ဘူတာ၊ သာ ဣတော ပုဗ္ဗေ အဘူတာ. တေနာဟ ‘‘အဘူတ။ပေ။ သမန္နာဂတာ’’တိ. အဿ ပုဂ္ဂလဿာတိ အနေန ပုဂ္ဂလေန. အပစိတာတိ ပရမနိပစ္စေန ပူဇနီယသာမညတော တတ္ထ အတ္တနော ပက္ခိပနံ ဣဓ ဒေသနာကောသလ္လံ.

မာနတ္ထဒ္ဓသုတ္တဝဏ္ဏနာ နိဋ္ဌိတာ.