၇. ကောကာလိကသုတ္တဝဏ္ဏနာ

၁၇၈. ပမာဏကရာနံ ရာဂါဒီနံ အဘာဝတော ခီဏာသဝေါ ရာဂါဒိဝသေန န သက္ကာ ဣမံ ပမာတုန္တိ အပ္ပမေယျော၊ အပ္ပမေယျာနိ ဝါ စတ္တာရိ အရိယသစ္စာနိ ဝိဇ္ဈိတွာ ဌိတတ္တာ ပမိတံ ပမေယျံ တဿ ကတော ပရိမေယျော နတ္ထိ. တေနာဟ ‘‘ခီဏာသဝေါ။ပေ။ ဒီပေတီ’’တိ. တန္တိ ခီဏာသဝံ. ပမေတုံ ရန္ဓဂဝေသီ ဟုတွာ ဝဇ္ဇတော ပရိစ္ဆိန္ဒိတုံ. ယထာသဘာဝတော တဿ မိနနေ နိဟီနပညတာယ အဝကုဇ္ဇပညံ.

ကောကာလိကသုတ္တဝဏ္ဏနာ နိဋ္ဌိတာ.