၅. ဥပ္ပလဝဏ္ဏာသုတ္တဝဏ္ဏနာ

၁၆၆. အဂ္ဂတော ပဋ္ဌာယာတိ သဗ္ဗအဂ္ဂတော ပဘုတိ ယာဝ မူလာ အန္တရာယုတ္တံ သမ္မဒေဝ ပုပ္ဖိတံ သာလရုက္ခံ. ဝဏ္ဏဓာတုသီသေန ဝဏ္ဏဓာတုသမ္ပန္နံ ဒုတိယံ ဘိက္ခုနိံ ဝဒတီတိ အာဟ ‘‘တယာ သဒိသာ အညာ ဘိက္ခုနီ နတ္ထီ’’တိ. ပခုမသီသေန အက္ခိဘဏ္ဍံ ဝုစ္စတီတိ အာဟ ‘‘ပခုမန္တရိကာယန္တိ ဒွိန္နံ အက္ခီနံ မဇ္ဈေ’’တိ. နာသဝံသေတိ နာသဝံသမူလေ. ‘‘န ပဿသီ’’တိ ဝတွာ အဒဿနေ ကာရဏံ အာဟ ‘‘ဝသီဘူတမှီ’’တိ.

ဥပ္ပလဝဏ္ဏာသုတ္တဝဏ္ဏနာ နိဋ္ဌိတာ.