၇. ဥဍ္ဍိတသုတ္တဝဏ္ဏနာ

၆၇. ဥလ္လင်္ဃိတောတိ ဥဗ္ဗန္ဓိတွာ လင်္ဃိတော. သဒ္ဒါဒီသူတိ သဒ္ဒါဒိနာဂဒန္တေသု သောတာဒီနိ ဥဍ္ဍိတာနိ တဏှာရဇ္ဇုနာ ဒဠှဗန္ဓနေန ဗဒ္ဓတ္တာ တဒနတိဝတ္တနတော. လောကောတိ အာယတနလောကော. တထာ အတ္ထယောဇနာယ ကတတ္တာ ခန္ဓာဒိလောကဝသေနပိ ယောဇနာ ကာတဗ္ဗာ. န ဒူရံ အနန္တရဘဝကတ္တာ. စုတိစိတ္တအန္တရိတတ္တာ ဧကစိတ္တန္တရဘဝဿ ကမ္မဿ အဗုဇ္ဈနံ၊ ဧဝံ သန္တေ ကသ္မာ သတ္တာ န ဗုဇ္ဈန္တီတိ အာဟ ‘‘ဗလဝတိယာ’’တိအာဒိ.

ဥဍ္ဍိတသုတ္တဝဏ္ဏနာ နိဋ္ဌိတာ.